Dwata 4:25 - Udél Dwata: Gna Kesfasad ne Lomi Kesfasad

²⁵ Baluen he ke deng legen knô ye ta yóm tonok blay Dwata kuy ne deng dê kem ngà ye ne kem témê ye, hol bê ye abay gemsalà bè Dwata ke lan ye mò yó kem dwata lennged balù kihu kayen. Ke yó nmò ye, tey salà bong bè Dwata ne tey sidek kebuten kuy.

Dwata 4:25 Referans Kwoze

Dwata 4:16

anì là gemsalà ye bè Dwata ke lan ye mò yó kem dwata lennged balù kihu kayen, logi duhen ke libun,

1 Kurin 10:22

Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Dwata 28:45

Ke là nimón ye ke Dwata, yóm sana kuy Dwata hol gónó mogot ne ke là lolò ye du yóm kdê hlauhen kuy, angat gefet bélê ye ni kem heglumfak Dwata ni efet ye gotu meglà.

Dwata 28:61

Angat bud hwiten ebélê ye snéen yóm kdê kay des, ne yóm kdê kay des alì leed mógów lem benwu, yó kem des là deng tulónen du bè nim Bok Hlau ni ne angat ye gotu meglà.

Dwata 32:5

Okóm yóm kuy là kô ye dog gulit, là kô ye knóón ke yu mò tauhen. Hono kem tau gel mò sidek, kem tau mò kéng.

Juswa 23:16

Ke nulé ye yóm deng senfasad ye Dwata ne ke tmaba ye ebè yó kem dumu dwata kéng ne demsù ye ebélê le, tey sidek kbuten kuy yóm sana kuy Dwata hol gónó mogot ne angat tey ktafaken kuy. Là kóen legen gotu ye mekfung ta nim tey tonok hyu deng blayen kuy.”

Juswa 24:20

Ke knogol ye ne deng ye mom tmaba ebè yó kem tólóng dwata, angat hohonen yu ne tnafaken yu. Angat genlaen yu baluen ke tey tilob kmoen ebélê ye bè yóm gnan kdaw.”

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

Kehewà 20:4

Bê ye abay mò yó kem dwata lennged lemwót bè yóm gel ton ye gu bè longit duhen ke gu te tonok duhen ke gu lem él laan tonok.

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’

Dwata 30:18

eles tulónu kuy kemdaw ni, angat ye gotu meglà. Ne là kóen tahà knô ye tahen yóm tonok móyón gfun ye nô sentu Él Jurdan.

Dwata 30:19

Héléku yu ni, mahi du se nóyô ye? Móyô ye mowil kô duhen ke móyô ye matay? Móyô ye kô ke tnóbóng Dwata yu duhen ke tnafaken yu? Tnabahu longit ne tonok mò temksì du bélê ye yóm nélék ye kemdaw ni. Yó dé hol nélék ye yóm mò gónó ye mowil.