Dwata 4:24 - Udél Dwata: Gna Kesfasad ne Lomi Kesfasad

²⁴ abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

Dwata 4:24 Referans Kwoze

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Nahum 1:6

Ke wen lenbuten, tau du de gembek mdà bè soluhen? Tau du de bud mowil bè yóm tey kebuten? Yóm kebuten yó, hol lómón ke mkal yóm tey dilóf ofi, botong lemusok bè soluhen yó kem léhék.

Dwata 9:3

Okóm ni deng tódô ton mata ye, fen tukô gna kuy yóm sana kuy Dwata hol gónó mogot. Hol lómón kmoen ke dmilóf ofi, gotu himoten kdéen. Laen kô dù gmò le. Duhen yó bè yóm kógów ye, mahil bélê ye mlo kul ne kendel gemlà kul lómón yóm deng fasad Dwata kuy.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

1 Kurin 10:22

Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

Dwata 6:15

Ke tmaba ye ebè yó kem dumu dwata kéng, lenbuten yu Dwata. Ne yóm kebuten kuy yó hol lómón ke mken ebélê ye yóm tey ofi, gotu sulék genlaen yu. Abay se yóm Dwata tendo gel nô bélê ye, du se yóm sana kuy Dwata hol gónó mogot ne tey sidek kélés nawahen du ke wen dumu dwata lennged tnaba ye.

Kehewà 34:14

Béen abay wen bélê ye tmaba ebè yó kem kul dwata abay se tey sidek kélés nawahu du ke wen dwata lennged gónó ye tmaba.

Sifanaya 3:8

Duhen yó, yó bud udél Dwata, monen, “Yó gónóm mon kem dou tau, nangat ye yóm kdawu mdà bè gónô skukum naw e klamo yó kem tau mò sidek bè ket benwu. Yó deng atulu, angat gotu sentifunu lu yóm kdéen benwu talak tonok, anì sulék koku ebélê le yóm sidek kebutu kul. Yóm kebutu kul yó, hol lómón ke ofi angat sulék kenen yóm klamangen.”

Sifanaya 1:18

Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Isaya 42:8

Tek són ou yóm Dwata gónóm mogot. Là móyóe du ke wen dwata kéng gbót megdóyón béléu. Tey kekbéu du ke wen dwata lennged gomong megdóyón bè yóm dou nmò.

Kem Lingón 21:9

Bè yóm ksutem na a gemlà kul, lómón kmoem kul yóm tey ofi bong. Gotu kenem lu lemwót bè alì kebutem kul.

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Dwata 5:9

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

Dwata 32:16

Yóm ktaba le bè yó kem tólóng dwata gónón sidek kélés nawa Dwata. Lemwót bè yóm ksidek nmò le, yó gónón alì lembut kul.

Kehewà 15:7

Bè yóm tey kfasangem gónóm gemmò. Laen kô dù gmò le yó kem hohonem. Yóm kebutem, hol lómón yóm ofi mken lami.

2 Bok Kem Tau Hol Geta 24:20

Duhen yó, lemwót bè yóm alì kebut Dwata kul yó kem tau bè Jirusalim dalang se yó kem tau bè Juda, gotu kóhen lu bè soluhen, ne gotu hegefen lu mayuk. Omin Sidikaya matù yóm tau hol geta bè Babilun, là buden móyô hogot béléen.

Amus 5:6

Semfulék ye ebè Dwata anì mowil ye. Ke là semfulék ye, hol lómón ke mken ofi kmoen kuy kem tau Israél. Tódô himot hotuhen yó kem tau bè Bétél ne laen kô dù tau tonem mò hmatay du yóm ofi yó.

Kehewà 33:3

Yóm benwu gónó ye e solu ni, tey hyu tonoken ne tey mabù huluhen. Okóm là munge kuy dou, abay se tey mgel kulu ye ne déke mom genlau yu bè lan.”

Lista 25:11

“Lemwót bè yóm nmò Finihas, yó gónóhu là bud lembut kul ne yó kem tau Israél. Tey sidek kekbéen du se kun ke wen dumu dwata kéng hentahu yó kem tau. Lemwót bè yóm nmoen yó, yó gónóhu là hemsulék gemlà kul yó kem tau Israél mlan bè yóm tey sidek kebutu kul.

Isaya 10:17

Yóm Dwata kul layag yó kem tau Israél, du se angat baling ofi. Tódô dmilóf yóm Dwata yó kem tau Israél yóm Dwata laen kô dù belenen. Tek sendawen mken du yóm kdéen. Balù yó kem alì semnual gotu mlób.