Dwata 4:23 - Udél Dwata: Gna Kesfasad ne Lomi Kesfasad

²³ Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Dwata 4:23 Referans Kwoze

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Hibru 3:12

Ó kem dumuhu setwoli, hol ye eles temgama anì là nóen bélê ye yóm knawa sidek, yóm knawa là mimón. Lemwót bè yóm knawa yó gónó ye kmogol ke Dwata, yóm Dwata laen dù tul katayen.

Matyu 24:4

Bnalà Jisas lu, monen, “Hol ten-gama ye anì laen dù tau gónó ye gsukat.

1 Tutul Israél 16:15

Ne yóm deng tehe fasaden yó kem kun tau, laen kô dù tul sónen. Baluen ke hilu libu bud lugod le, senged kdohoen yóm tehe fasaden yó.

Juswa 23:16

Ke nulé ye yóm deng senfasad ye Dwata ne ke tmaba ye ebè yó kem dumu dwata kéng ne demsù ye ebélê le, tey sidek kbuten kuy yóm sana kuy Dwata hol gónó mogot ne angat tey ktafaken kuy. Là kóen legen gotu ye mekfung ta nim tey tonok hyu deng blayen kuy.”

Dwata 31:20

Nwitu lu ebè yóm tey tonok hyu ne wen tey tebasen, lómón yóm tehe fasadu bè yó kem tehe fù le. Bè yóm tonok yó, là bud le élél du bè ken ne mdengen klowil le tahen. Okóm angat knogol le ou ne tmaba le ebè yó kem dumu dwata. Kenbê le o ne nulé le yóm deng senfasad me.

Kun Snulat Luk 21:8

Mon Jisas se mò kul, “Hol ten-gama ye anì laen dù tau gónó ye gsukat. Abay se angat dê tau sut tô hlingu béléu. Yó angat mon le, ‘Ou se yóm Misaya.’ Ne yó sotu mon le, ‘Deng hto ne yóm hol són kdaw.’ Okóm bê ye abay hentahu lu.

Kun Snulat Luk 12:15

Ne bud mudél Jisas ebè yó kem tau sbung bè yó, monen, “Hol gel ten-gama ye yóm kdéen gel senbì tau, abay se balù nô kbong kimuhen yóm tau, là kô bè yó du tahu gónón mowil.”

Jirimaya 31:22

Kegenen de yóm ktabag ye kem ngau là mimón? Okóm wen yóm lomi angat nmou bélê ye kem tau Israél. Yó nmou, henbalingu yu yó kem tau wen óyô le bud mulék ebè yóm kul Dwata.”

Juswa 23:11

Duhen yó, hol bê ye abay kó yóm kbong nawa ye yóm sana kuy Dwata hol gónó mogot.

Dwata 27:9

Omin Musis ne yó kem sfu Libay gel blóng ebè Dwata bud mon du bè kdê yó kem tau Israél, “Ó kem tau Israél, bê ye tagad hebnes na ye hol hnungol ou. Kemdaw ni deng ye baling kem kun tau Dwata yóm sana kuy Dwata hol gónó mogot.

Dwata 6:12

hol ye eles temgama anì là klifót ye du yóm Dwata tehe hewà kuy gu bè Idyip, bè yóm benwu gónó ye ghesek.

Dwata 4:25

Baluen he ke deng legen knô ye ta yóm tonok blay Dwata kuy ne deng dê kem ngà ye ne kem témê ye, hol bê ye abay gemsalà bè Dwata ke lan ye mò yó kem dwata lennged balù kihu kayen. Ke yó nmò ye, tey salà bong bè Dwata ne tey sidek kebuten kuy.

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’

Malakay 4:4

“Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Dwata 5:2

Ditu bè Bulul Sinay, deng wen kesfasad le Dwata yó kem tuha tekuy