Dwata 4:20 - Udél Dwata: Gna Kesfasad ne Lomi Kesfasad

²⁰ Okóm yu se yó kem tau deng hewaen gu bè Idyip, bè yóm benwu gónó ye alì glayam. Yó gónón hewà kuy, nmoen yu mò hol kun tau lómón yóm deng kfunen kuy kemdaw ni.

Dwata 4:20 Referans Kwoze

1 Bok Kem Tau Hol Geta 8:51

yakà lu du yó kem kóm tau, kóm tau deng nfun, kem tau deng hewaem gu bè Idyip, yóm benwu gónó le alì glayam.

Jirimaya 11:4

Yó tehe senfasad me yó kem tehe fù ye bè yóm kwitu kul hewà gu bè Idyip, yóm benwu gónó le ghesek,’ monu, ‘Ke nimón ye ou ne ke gotu lolò ye yóm kdê hlolou kuy, baling ye mò dou tau ne ou se mò Dwata ye.

Dwata 32:9

Yakà deng néléken du yó kem sfu Jakub mò kun nfun.

Dwata 9:29

Okóm bè ktahuhen, igò sem lu du yó kem tau deng nélékem mò hol kóm tau ne deng hewaem lu gu bè Idyip mlan bè yóm tey kegbekem ne bè yóm tey kgisem.’ ”

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Kem Lingón 135:4

Abay se deng nélék Dwata Jakub mò kun, nfunen yó kem tau Israél mò hol gónón nô nawahen.

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

Kem Lingón 28:9

Ó Dwata, hol hewaem yó kem kóm tau. Tnóbóngem yó kem tau Israél, kem tau deng kóm nfun. Nalakem lu lómón yóm tau semgyok ubiha, ne laen kô dù tul sónen yóm ksiwihem kul yó.

Dwata 9:26

Yó nmou, mnihe bè Dwata, monu, ‘Ó Dwata, yóm hol dandónen geta mogot yóm klamangen, hol béem abay genlà lu yó kem kóm tau, yó kem tau deng hewaem gu bè Idyip mlan bè yóm tey kgisem ne bè yóm tey kegbekem.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Ifisus 1:11

Bè kdéen nmò Dwata, sal lemwót bè kun kmò kehedem du ne bè kun katul du. Deng néléken tekuy mò kun tau hlanen bè yóm deng kessotu tekuy bè Krays, yakà yó du hol kóyóen bélê tekuy. Tódô lemwót bè hol kbuten kehedemen mò du ni kem ni.

Kehewà 1:13

Ya tey kehlayam le kul mlan bè alì kdanda kdók le kul. Hefdà le lu yó kem gónô lembang ne hmò le lu nmò bè yó kem dnadu. Balù udì ke wen kodu le kul.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Dwata 26:18

Kemdaw ni deng henmóyô Dwata yu mò hol kun tau, lómón yóm deng fasaden kuy. Yó hloloen kuy, hol nimón ye yóm kdê hlauhen.

Isaya 30:6

Ni se udél Dwata gbak ebè yó kem ógóf lóbô lem bnes bè yóm benwu fi leged là hyu menwu du, monen, “Yó kem tau hógów le mò na a mni tóbóng yó, mlan le bè yóm benwu gónó le nô yó kem ógóf lóbô, yóm gónó le nô yó kem liyun ne yó kem ulal malas ne yó kem swaga móyóng. Gotu lenulón le yó kem tey mebtes yó kem kudà ne yó kem kamél le, mò blay le bè Idyip yóm benwu là gbeken du tmóbóng kul.

Danyél 3:26

Omin Nibukadnisar tô hloni ebè bak tum tey ofi dmilóf mung du yóm tey ketgamahen, tmaba monen, “Ó Sadrak ne Misak ne Abidnigu kem tau tóbóng lówó yóm Dwata hol geta bè kdéen hewà ye edini.” Tahu se, hewà le gu lem ofi le Sadrak ne Misak ne Abidnigu.