Dwata 4:2 - Udél Dwata: Gna Kesfasad ne Lomi Kesfasad

² Yó kem hlauhu kuy ni, béen abay wen tnù ye du ne béen abay wen se kó ye du. Hol nimón ye yó kem hlau Dwata kuy, duhen yóm deng tulónu kuy ni.

Dwata 4:2 Referans Kwoze

Dwata 12:32

Hol gotu nmò ye yóm kdê deng hlauhu kuy ne béen abay wen tnù ye du ne béen abay wen se kó ye du.

Kem Udél Hlalak Tehe Selumun 30:6

Béem tennù yóm kun udél Dwata déke bnólówen u ne mom gfan ta yóm kwen kéngem.

Juswa 1:7

Hol hotuhem gelem ne hol hfólem nawam. Hol nimónem yóm kdê deng hlau Musis kuy yóm tau tóbóng lówóhu. Hol béen abay wen nuléhem du anì wen uléken yóm gel nmoem.

Matyu 5:18

Tódô tulónu kuy ktahuhen, bè yóm igoen tolo wen longit ne tonok, laen se kô mkó du yó kem tehe hlau Musis, balù sotu bè yó kem leneken, efet deng gotu dohò yó kem kdê tulónen.

Glasya 3:15

Ó kem dumuhu setwoli, wen tulónu kuy lemwót bè yóm sana gel nmò tekuy. Ke hol hget tekuy yóm senfasad tekuy, sal gel wen gónó tekuy fema. Ne yóm senfasad deng fenma laen kô dù tau bud gembek mkó du ne temnù du.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Matyu 5:43

“Ne sotun,” mon Jisas, “deng hónô gungol ye yóm sotu hlau gnan, yóm monen, ‘Kenbong nawahem yó kem dumuhem ne fen knutó nawahem yó kem hmohon kóm.’

Dwata 1:3

Okóm botong fat folò halay le ne deng kegen le tmagak yóm benwu Idyip yó kem tau Israél. Ne bè yóm tanay kdaw bè yóm gesfoloen sotu bulón bè yóm gfaten folò halay yó, gotu tulón Musis yó kem tau Israél yó kem htulón Dwata du bélê le.

Dwata 4:5

Deng gotu toloku yóm kdê hlau Dwata kuy, lómón yóm deng monen mò dou yóm sana Dwata hol gónóhu mogot. Hol nimón ye ke deng ye kól ta yóm tonok móyón hfun Dwata kuy.

Dwata 4:14

Bud bè yóm kdaw yó snéen kehtolok Dwata du dou bélê ye yó kem kun dumu hlau kuy ne yó kem kun hlolò kuy mò tendo nimón ye ke deng ye kól ta yóm tonok móyón hfunen kuy mò gónó ye angat henek nô.”

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Dwata 33:4

Deng hol hlolò Musis tekuy yó kem hlau Dwata. Nim hlau ni, hol lómón ke kimu alì mebtes nô bélê tekuy.

Kem Lingón 78:7

Mlan bè nim ni, són Dwata ne nefet nawa le, ne là kô klifót le du yó kem deng nmoen bélê le, okóm tendo nimón le yó kem hlauhen kul yó.

Jirimaya 26:2

monen, “Mdai bè lósól yóm dou Gónô ne mudéli ebè yó kem tau lemwót bè klamangen Juda, yó kem tau mógów ebè yó na a tmaba ebéléu. Hol tulónem kul yóm kdê htugodu kóm, hol béen abay wen tebelem du balù sotu.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Dwata 5:32

Ne ni, kem tau Israél, hol nimón ye yó kem hlauhen kuy yóm sana kuy Dwata hol gónó mogot. Hol béen abay wen glafang ye bè yó kem hlauhen kuy.

Dwata 13:1

Ke wen tau sut lem blóng ye mon du, du kun sotu tugod Dwata duhen ke wen tau sut hulung tmulón lan kna ne ke yó nmoen wen hentaw ton eles tulónen, hol bê ye abay kenmón

Juswa 8:35

Tódô gotu senfala Juswa bè yóm kdéen tau Israél, gomong kem libun ne kem ngà ne yó kem tólóng tau menwu lem blóng le. Gotu senfalahen bélê le yóm kdê hlau Dwata tehe snulat Musis.