Dwata 4:16 - Udél Dwata: Gna Kesfasad ne Lomi Kesfasad

¹⁶ anì là gemsalà ye bè Dwata ke lan ye mò yó kem dwata lennged balù kihu kayen, logi duhen ke libun,

Dwata 4:16 Referans Kwoze

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Dwata 5:8

Bê ye abay mò yó kem dwata lennged mkél bè yóm gel ton ye bè longit duhen ke te tonok duhen ke lemwót bè él.

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Kun Snulat Jan 4:24

Yakà tulusen yóm Dwata. Duhen yó, hol hlan le bè tulus yóm ktaba le ebéléen yó kem tau ne hol hewót le bè nawa le.”

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

Dwata 4:25

Baluen he ke deng legen knô ye ta yóm tonok blay Dwata kuy ne deng dê kem ngà ye ne kem témê ye, hol bê ye abay gemsalà bè Dwata ke lan ye mò yó kem dwata lennged balù kihu kayen. Ke yó nmò ye, tey salà bong bè Dwata ne tey sidek kebuten kuy.

1 Timuti 1:17

Hol bê te abay lensón yóm kadat te ke Dwata ne yóm kdóyón te du. Du se yóm tahu geta mogot yóm klamangen. Laen dù sónen yóm kun kogot. Tek són du yóm hol tahu Dwata laen kô tul katayen, ne là kô deng hnikót ton mata du.

Dwata 5:9

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Dwata 9:12

Omin Dwata mon du mò dou, ‘Géhéli mosol abay se yó kem tauhem deng nalakem gu bè Idyip, deng le gotu mò sidek. Deng sana knogol le yóm dou hlau kul ne deng wen dwata lenbù nmò le mò gónó le e tmaba.’

Dwata 27:15

‘Hol tnafak Dwata ke wen tau mò dwata lennged gu bè botu, duhen ke bè koyu, duhen ke bè yó kem gel tenwél le, ne ke lifuten yóm gel ktabahen ebéléen. Yóm nmoen yó, tey sidek kekbê Dwata du.’ Ne kdéen tau gotu hem-el du, mon le, ‘Tahu yó.’

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Hlolò 19:4

Bê ye abay knogol ou ke tô lan ye tmaba ebè yó kem dwata lennged. Bê ye abay temwél yó kem dwata lennged ke mò gónó ye tmaba. Ou se yóm sana kuy Dwata hol gónó mogot.

Isaya 44:13

Wen se tau hulung mò du bè koyu. Nahen yóm koyu ne bentesen, ominen mò ilóen mò loloen ne nsafen. Lómón tô tau kmoen du ne tey kehtiloben du, ominen hemsù du bè gónóen.