Dwata 4:15 - Udél Dwata: Gna Kesfasad ne Lomi Kesfasad

¹⁵ Yó bud mon Musis mò kul, “Bè yóm tehe kudél Dwata ebélê ye gu lem tum dilóf ofi bè Bulul Sinay, laen kô dù lówó ton ye. Yó gónóm mon, hol ye eles temgama

Dwata 4:15 Referans Kwoze

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

Jirimaya 17:21

Ni se udél Dwata, hol hnungol ye yóm eles hetgamahu kuy anì mowil ye. Bè yóm Kdaw Kehegnô, hol bê ye abay nwit ebè yó kem bak tikeb bè Jirusalim yó kem gel hbalù ye.

Kem Udél Hlalak Tehe Selumun 4:27

Hol henktengem lemolò du yóm lan tedeng ne hol senyahem yó kem nmò sidek.

Kem Udél Hlalak Tehe Selumun 4:23

Hol ten-gamahem bè kdéen yóm kmò kógów kehedemem, yakà bè kóm kehedem du gónón lemwót yóm kóm kmò.

Kem Lingón 119:9

Tedu nmoen du yóm logi lomi lemnok anì laen dù belenen yóm gel kmoen? Yó nmoen, nimónen yó kem hlauhem, Dwata.

Juswa 23:11

Duhen yó, hol bê ye abay kó yóm kbong nawa ye yóm sana kuy Dwata hol gónó mogot.

Dwata 4:12

Tulón ye kul yóm kmò kudél Dwata ebélê ye gu lem yóm dilóf ofi ne yóm là kton ye du lówóhen, olo ye mungol udélen.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Hibru 1:3

Yóm kun kegeta Dwata, deng hol tódô tahu gfan bè yóm Ngaen yó. Yóm kun kmò Dwata, yó se kun kmò yóm Ngaen. Du fen mkem du yóm kdê nmoen hlanen bè yóm udélen alì mfasang. Timbow kogol yóm tehe kkóhen salà kdéen tau, tódô mulék ebè longit, ne myón fi bè kwanan yóm Dwata alì mfasang bè kdéen.

Dwata 4:23

Hol ye eles temgama anì là klifót ye du yóm deng kesfasad ye Dwata. Hol nimón ye yóm kun hlau kuy anì là gmò ye du kihu kay dwata lennged

Kehewà 19:1

Bud tnagak yó kem tau Israél yóm benwu Rifidim. Bè yóm tanay kdaw bè yóm getluhen bulón kogol yóm kehewà le gu bè Idyip, bud le kól bè yóm benwu laen hol wen tauhen boluyen Sinay. Bè yó gónó le na bud kmamfù bè but yóm Bulul Sinay.

Kehewà 20:4

Bê ye abay mò yó kem dwata lennged lemwót bè yóm gel ton ye gu bè longit duhen ke gu te tonok duhen ke gu lem él laan tonok.

Dwata 4:14

Bud bè yóm kdaw yó snéen kehtolok Dwata du dou bélê ye yó kem kun dumu hlau kuy ne yó kem kun hlolò kuy mò tendo nimón ye ke deng ye kól ta yóm tonok móyón hfunen kuy mò gónó ye angat henek nô.”

Dwata 5:8

Bê ye abay mò yó kem dwata lennged mkél bè yóm gel ton ye bè longit duhen ke te tonok duhen ke lemwót bè él.

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Dwata 5:4

Bè yó ta yóm bulul yó, tódô suyó bélê ye Dwata lemwót gu lem yóm tey ofi.

Dwata 9:10

Omin Dwata bemlay du dou yóm lewu kem botu kufil deng gónón smulat du yó kem hlauhen tekuy gu lem tum dilóf ofi bè yóm kdaw tehe kestifun ye bè but Bulul Sinay. Yó kem kun hlau yó, tehe hol kun snulat.

Dwata 10:4

Omin Dwata bud smulat du tahen yó kem udél tehe snulaten bè yóm gnan, duhen yóm sfolò kem hlauhen kuy bè tum tehe kudélen gu lem dilóf ofi bè yóm kdaw tehe gotu kesbung ye bè but Bulul Sinay. Deng ksulat Dwata du, bud blayen dou yóm lewu kem botu kufil yó

1 Bok Kem Tau Hol Geta 19:12

Kogol yóm linol, bud wen tey ofi msut, okóm là kóen nô du Dwata. Ne kogol yóm ofi yó, wen ngà boyong gungol Ilaydya.