Dwata 4:12 - Udél Dwata: Gna Kesfasad ne Lomi Kesfasad

¹² Tulón ye kul yóm kmò kudél Dwata ebélê ye gu lem yóm dilóf ofi ne yóm là kton ye du lówóhen, olo ye mungol udélen.

Dwata 4:12 Referans Kwoze

Dwata 5:22

Ni se yóm sfolò kem hlau hlolò Dwata kuy bè yóm tehe kesbung ye bè bulul Sinay. Tódô mudél ebélê ye gu lem yóm dilóf ofi ne lobun mfól ne tey mfasang yóm kudélen yó. Ni se yóm hlau hloloen kuy, laen dù dumuhen. Ominen smulat du ta yóm lewu kem botu kufil yóm hlauhen yó ne oguhen dou.

Dwata 5:4

Bè yó ta yóm bulul yó, tódô suyó bélê ye Dwata lemwót gu lem yóm tey ofi.

Dwata 4:15

Yó bud mon Musis mò kul, “Bè yóm tehe kudél Dwata ebélê ye gu lem tum dilóf ofi bè Bulul Sinay, laen kô dù lówó ton ye. Yó gónóm mon, hol ye eles temgama

Matyu 3:17

Ne ominen wen mudél gu bè longit, monen, “Ni se hol dou Ngà tendo gónón nô nawahu. Tey kligalu béléen.”

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Dwata 4:33

Deng wen kô dumu tau tolo mowil ke deng gungol le yóm udél Dwata ebélê le gu lem yóm dilóf ofi lómón yóm kudélen ebélê ye? Laen duen.

Kulasi 1:15

Yóm Dwata, laen kô tau mton du. Okóm bè Krays hol gónó tekuy mton du yóm kun kmò. Gu laanen là deng wen dlimun Dwata he, deng sana kem yó ne ke Krays kun. Laen kô dù bè kdê deng dlimunen ke geta sentahen.

Matyu 3:3

Nim Jan ni, du se gónón e gbak yóm mon yóm sotu tehe gna tugod Dwata ekni boluyen Isaya, yó monen, “Wen sotu tau tmaba gu bè tum benwu laen hol tau menwu du. Yó utóm tabahen, monen, ‘Eles hen-gifat ye yóm lan angat lolò yóm gónó tekuy mogot. Eles hentedeng ye yóm lan mò loloen.’ ”

Isaya 40:18

Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?

Isaya 40:6

Bud wen tmaba, yó utóm tum tabahen, monen, “Hol heglalagem dé.” Monu se, “Tedu de heglalagu?” Monen se, “Yó heglalagem, là kóen té yóm klowil tau, hol lómón ke bnes mahil le menes. Ne hol lómón ke bulók lem bnes, mahil le mifù.

Isaya 40:3

Wen tmaba, yó utóm tum tabahen, monen, “Eles ye mò lan gu lem yóm benwu laen hol wen tauhen mò gónón mlan yóm gónó tekuy mogot. Eles hen-gifat ye yóm lan nmò ye yó mò lolò yóm Dwata tekuy.

Isaya 30:21

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

Hibru 12:19

Ne tódô gungol le yóm tey uni féw bong, ne sen-geng gungol le se yóm udél Dwata. Bè yóm kungol le du, ya tey sidek klikò le, botong le hkodu bè Musis anì béen bud mudél ebélê le Dwata.

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Dwata 4:11

“Hol tulón ye yó kem ngà ye,” mon Musis, “yóm tehe kdà ye bè but Bulul Sinay, yóm bulul lenambung yóm tey lobun mget hitem lel yóm tey dilóf ofi lemayul etta bè longit.

Dwata 4:13

Tulón ye kul yóm deng kesfasad ye Dwata ditu bè Bulul Sinay, duhen yóm hol kimón ye yóm sfolò kem kun hlau kuy, yóm hlau deng snulaten bè lewu botu kufil.Bud bè yóm kdaw yó snéen kehtolok Dwata du dou bélê ye yó kem kun dumu hlau kuy ne yó kem kun hlolò kuy mò tendo nimón ye ke deng ye kól ta yóm tonok móyón hfunen kuy mò gónó ye angat henek nô.

Dwata 9:10

Omin Dwata bemlay du dou yóm lewu kem botu kufil deng gónón smulat du yó kem hlauhen tekuy gu lem tum dilóf ofi bè yóm kdaw tehe kestifun ye bè but Bulul Sinay. Yó kem kun hlau yó, tehe hol kun snulat.

Dwata 10:4

Omin Dwata bud smulat du tahen yó kem udél tehe snulaten bè yóm gnan, duhen yóm sfolò kem hlauhen kuy bè tum tehe kudélen gu lem dilóf ofi bè yóm kdaw tehe gotu kesbung ye bè but Bulul Sinay. Deng ksulat Dwata du, bud blayen dou yóm lewu kem botu kufil yó