Dwata 4:11 - Udél Dwata: Gna Kesfasad ne Lomi Kesfasad

¹¹ “Hol tulón ye yó kem ngà ye,” mon Musis, “yóm tehe kdà ye bè but Bulul Sinay, yóm bulul lenambung yóm tey lobun mget hitem lel yóm tey dilóf ofi lemayul etta bè longit.

Dwata 4:11 Referans Kwoze

Dwata 5:23

Bè yóm tehe tódô ketfengen ofi yóm Bulul Sinay, tódô gungol ye yóm udél Dwata gu lem yóm tey mget kifu, lemwót yó kem tau malak kuy bè ket ból ye mógów ebéléu

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Dwata 4:12

Tulón ye kul yóm kmò kudél Dwata ebélê ye gu lem yóm dilóf ofi ne yóm là kton ye du lówóhen, olo ye mungol udélen.

Kem Lingón 18:11

Wen tey kifu mget nmoen hmilol du, hono yóm tey lobun mfól mom hitem, hono él nô du.

Kem Lingón 97:2

Wen tey lobun ne kifu mget hmilol du. Yóm ktedengen ne yóm kukum tedeng nwiten yóm hembegel yóm kogoten tau.

2 Samwél 22:10

Hennasen longit, ominen mnaul elaan. Ne tey kifu mget gónón mdà.

1 Bok Kem Tau Hol Geta 19:12

Kogol yóm linol, bud wen tey ofi msut, okóm là kóen nô du Dwata. Ne kogol yóm ofi yó, wen ngà boyong gungol Ilaydya.