Dwata 4:10 - Udél Dwata: Gna Kesfasad ne Lomi Kesfasad

¹⁰ yóm kdaw tehe kdà ye bè solu yóm sana kuy Dwata hol gónó mogot bè Bulul Sinay, yóm kdaw tehe kmonen du mò dou, ‘Gotu sentifunem lu yó kem tau. Kóyóu ke gungol le yóm udélu ebélê le anì wen klikò le dou bè yóm klawi le mowil ne anì bud tolok le bè yó kem ngà le snéen yóm klikò le dou yó.’ ”

Dwata 4:10 Referans Kwoze

Kehewà 19:9

Bè yóm kkól Musis bè yó, yó bud mon Dwata mò du, “Mógówe ebéléem mlan bè lobun mfól anì gungol yó kem tau yóm kudélu ebéléem ne lenwóten bè yó tódô henlel le smalig kóm.” Ominen yó, gotu tulón Musis ke Dwata yóm balà le du yó kem tau.

Dwata 17:19

Hyu ke hol tendo nô béléen nim snulat ni ne tendo senfalahen bè yóm klawihen mowil anì yó wen klikoen ke Dwata ne hotuhen nawahen mimón du yóm kdê hlolò Dwata nô lemen.

Dwata 5:2

Ditu bè Bulul Sinay, deng wen kesfasad le Dwata yó kem tuha tekuy

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 19:16

Timbow hlafus bè yóm getluhen kdaw, tódô lemték ne smilà ne wen tey lobun mfól gfan te yóm bulul yó ne gungol le se yóm tey uni féw. Tódô kdê yó kem tau nô bè kamfù gotu le likò, botong setbol kkel le.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Deng Hegfan 19:5

Ominu mungol yóm mudél gu bè yóm gónón myón yóm fen kmamal, monen, “Dóyón tekuy dé Dwata, yu kem tau tóbóng lówóhen, dalang se yu kem tau gel kmikò du, lemwót bè yó kem tau hol geta kkólen bè yó kem tau hkawang.”

Hibru 12:25

Duhen yó, hol tekuy temgama. Hol bê tekuy là hnungol ke mudél ebélê tekuy Dwata. Ngem yó dé kem tehe tau gnan ekni, tey kegtafak le lan le là hmungol yóm udél Dwata hlanen bè Musis ekni dini te tonok. Sélét mom tekuy ne là megtafaken ke knogol tekuy yóm mudél ebélê tekuy gu bè longit.

Kun Snulat Luk 1:50

Tey kkodu Dwata kul yó kem tau hol madat du kewóten bè yóm tau tanay féken kkólen bè yóm tau hol són utulen.

1 Samwél 12:24

Okóm yake hol wen klikò ye ke Dwata ne hol ye hteneb lemolò du. Hol hendem ye yó kem tey hyu deng nmoen bélê ye.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Kehewà 19:1

Bud tnagak yó kem tau Israél yóm benwu Rifidim. Bè yóm tanay kdaw bè yóm getluhen bulón kogol yóm kehewà le gu bè Idyip, bud le kól bè yóm benwu laen hol wen tauhen boluyen Sinay. Bè yó gónó le na bud kmamfù bè but yóm Bulul Sinay.

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Dwata 12:1

Yó bud mon Musis bè yó kem tau Israél, “Ni se yó kem hlau Dwata mò angat nimón ye bè yóm klawi ye mowil ta yóm tonok deng blay Dwata kuy, kun hlau yóm sana kul Dwata hol gónó mogot yó kem tehe fù ye.

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

Kehewà 19:11

Eles le hol htifes bè yóm kehloni le ebéléu lewu ni abay se mnaule elaan bè Bulul Sinay, bè yó gónó le gotu mton do yó kem tau.

Dwata 6:2

Bè yóm klawi ye mowil dalang se yó kem semfu gu bélê ye hol knikò ye Dwata, yóm sana kuy Dwata hol gónó mogot ne hol nimón ye yóm kdê hlauhen tulónu kuy ni. Ke ni se nmò ye angat tahà ktau ye.

Dwata 6:7

Hol bud tolok ye bè yó kem ngà ye. Tendo bud gel sensulit ye bélê le balù kihu gónó ye nô, ke nô ye bè gónô ye duhen ke mógów ye, ke hegnô ye duhen ke mò ye nmò, hol tendo sensulit ye bélê le.

Kem Lingón 145:4

Yóm deng gel nmoem lem blóng me, Dwata, ket lugod yó kem sfu me, angat bud gel sendóyón le uu se kul. Angat gotu sensból le yóm tey nmoem lem blóng me.