Dwata 34:9 - Udél Dwata: Gna Kesfasad ne Lomi Kesfasad

⁹ Yó tles Musis duhen Juswa yóm ngà Nun. Tey tau hulung hedem abay se deng tehe nnok Musis ta kuluhen bè yóm kéléken du mò tlesen. Tey kimón le ke Juswa yó kem tau Israél ne lolò le yóm kdê hlau Dwata hlanen bè Musis.

Dwata 34:9 Referans Kwoze

Isaya 11:2

Yóm tau monu yó, angat tey kbeyenen béléen yóm Tulus Dwata. Yó se gónón lemwót yóm khulungen hedem ne yóm khulungen mit yó kem tau nogoten. Angat tngónen yóm kun kóyô Dwata ne angat wen klikoen mulé du.

Kul Nmò 6:6

Yó nmò yó kem tau mélék kul, gotu nwit le lu ebè yó kem hógów Jisas. Ne lemwót yó kem hógów Jisas, gotu nenok le lu, ne mni le bélê le bè Dwata.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

Danyél 6:3

Bè kdê yó kem tau deng nélék yóm tau hol geta, són Danyél yóm tonen bong kenhulungen senta yó kem dumuhen ne yó gónón tô mélék du mò mogot klamang yóm benwu knamalen.

2 Bok Kem Tau Hol Geta 2:15

Timbow ton yóm lumbuk yó kem tugod Dwata bè Jiriku yóm nmò Ilaysa, yó mon le, “Deng nô bè Ilaysa tulus Ilaydya.” Omin le semlong du, gotu le hegdufok ebè tonok bè soluhen.

2 Bok Kem Tau Hol Geta 2:9

Bè yóm kkól le fi fatu, yó mon Ilaydya mò ke Ilaysa, “Gu laan Dwata là deng mit dou, tedu se nóyô hmoem do du?” Bnalà Ilaysa se, monen, “Blayem do yóm tulusem anì ou mò tlesem.”

1 Bok Kem Tau Hol Geta 3:12

blayu kóm yóm deng hnihem. Benlayu u khulung hedem, yóm khulung hedem là deng tonem du bè dumu tau, ne laen se gónóm angat bud mton du.

1 Bok Kem Tau Hol Geta 3:9

Yó gónóm mon, hol benlayem ou khulung hedem anì hyu kwitu kul ni kem tauhem, ne anì hol dilóu yóm hyu bélê le ne yóm là hyuhen bélê le. Laen kô dù tau gembek mogot kul ni kem tey tau wen ni ke tek sotuhen?”

Kulasi 2:3

Du se henged kunsì mò lemungkà du yóm tey hyu deng fan Dwata tekuy lemwót bè yóm tey khulungen hedem ne yóm tey ketngónen.

Lista 11:17

Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.

Kehewà 31:3

Deng suu béléen yóm dou Tulus anì wen khulungen ne wen ketngónen mò du balù kihu kay nmò tilob hmou du.

1 Timuti 5:22

Béem lenangaf mélék tau mò malak bè simbahan. Déke wen gónón teklé, gomongi myak béléen. Hol nmoem yóm nmò laen dù belenen.

1 Timuti 4:14

Béem hnuda yóm kenhulung deng tehe blay Dwata kóm hlanen bè kul udél yó kem tugoden, ne bè yóm knok le kóm ne yóm kni le béléem bè Dwata yó kem tuha gel malak bè simbahan.

Dwata 34:8

Yó kegen kem tau Israél lemangag ke Musis bè yó bè Datal Muab, botong tlu folò butengen.

Kehewà 12:28

Omin le lemwót ne gotu nmò le yóm deng hlolò Dwata kul le Musis ne Aron.

1 Tutul Israél 29:23

Duhen yó, Selumun tles myón bè yóm bangkù gónón myón kmamal maen. Tey kehyu klowilen, ne tey kimón le du yóm kdê tau Israél.