Dwata 34:5 - Udél Dwata: Gna Kesfasad ne Lomi Kesfasad

⁵ Tahu se, matay Musis bè yó bè Muab yóm tau tóbóng lówó Dwata, hol lómón yóm deng mon Dwata mò du.

Dwata 34:5 Referans Kwoze

Dwata 32:50

Bè yó ta yóm bulul yó gónóm matay, lómón yóm tehe kun katay ta Bulul Hor yóm twoguhem Aron

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

2 Pitér 1:1

Bud ou se Simun Pitér gónón lemwót nim sulat ni, yóm sotu gel tóbóng lówó Jisas Krays, yóm gel hógówen. Bude smulat ebélê ye yu kem tau deng hemtahu bè Jisas Krays, yóm Dwata tekuy, yóm deng lemwà tekuy gu lem hatay. Lemwót bè yóm ktedeng nawahen, yó gónón hembaling kuy tau hemtahu béléen hol lómón yóm tehe kehbalingen kum tau hemtahu béléen.

2 Timuti 2:25

Ne ke wen tau semkuya du yóm kun tulón, hol hen-ganagen nawahen tmulón du kul yóm gónó le là segtud. Déke fen tenles Dwata he yóm hendem le, ne dilô le yóm hol ktahuhen,

Malakay 4:4

“Hol bê ye abay klifót mimón du yó kem tehe hlolò Musis kuy yóm tau tóbóng lówóhu. Ditu bè Bulul Sinay gónóhu tehe bemlay du yó kem dou hlau, ne yó kem dumu hlolou kul mò nimón yóm kdéen tau Israél.

Dwata 31:14

Omin Dwata bud mon du mò ke Musis, “Ó Musis, là buden té ne klowilem. Tnabahem Juswa ne nwitem elem yóm Gónô gónóhu nô lem blóng ye anì tulónu du yó kem mò hlolou du.” Tahu se, lemwót Musis lewu le Juswa elem Gónô Dwata

Lista 12:7

Okóm tólóng ke mudéle ebè Musis kun, yóm tóbóng lówóhu. Deng gotu sigangu tahen yó kem dou tau Israél.

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.

2 Bok Kem Tau Hol Geta 1:17

Tahu se, matay Ahasaya, tódô uliten bè yóm deng mon Dwata hlanen bè Ilaydya. Lemwót bè yóm klaen dù ngà Ahasaya logi, yó tmodol bud tles tau hol geta duhen Juram yóm twolihen. Nim ketles Juram du ni, deng gewu halay Jihuram ngà Jihusafat mogot yóm benwu Juda.

2 Tutul Israél 1:3

Omin Selumun mit kul ebè yóm Gónô Dwata nô ta bulul Gibyun, yóm Gónô Dwata tehe gel nwit le mógów. Yóm Gónô Dwata yó, tehe hefdà Musis yóm tau tóbóng lówó Dwata bè yó bè yóm benwu laen hol wen tauhen.