Dwata 34:10 - Udél Dwata: Gna Kesfasad ne Lomi Kesfasad

¹⁰ Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Dwata 34:10 Referans Kwoze

Kehewà 33:11

Bè yóm gel kestulón le Dwata ne Musis, tódô le suyó lómón ke stulón yóm tau swè. Ke deng deng kestulón le, omin Musis mulék ebè kamfù le, fen tebel bè Gónô Dwata yóm tau lomi lemnok tóbóng lówóhen boluyen Juswa ngà Nun.

Kul Nmò 7:37

Ni se yóm Musis tehe mon du mò yó kem tau Israél, ‘Angat wen bud hógów Dwata elem blóng ye lómón yóm khógówen do ni mò tmugod du ebélê ye yóm udélen. Yóm tau hógówen yó, tódô lemwót bè yóm sana kuy kwen.’Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Kehewà 11:3

Bè yóm kdaw yó, deng eles wen hefedem Dwata yó kem tau Idyip anì wen nawa le ebè yó kem tau Israél. Bè ktahuhen, tey kadat le ke Musis yó kem genlal Faro dalang se yó kem kdéen tau bè Idyip.

Dwata 34:11

Laen dù dumu tugod Dwata ke deng mò du yó kem tey dê hentaw ton deng hmò Dwata ke Musis ditu bè Idyip bè solu Faro ne bè yó kem genlalen ne bè klamangen benwu le.

Kehewà 8:13

Tahu se, bnalà Dwata yóm hni Musis yó. Gotu le matay yó kem fak nô lem gónô le ne nô talak lósól le ne nô talak dnadu le.