Dwata 33:7 - Udél Dwata: Gna Kesfasad ne Lomi Kesfasad

⁷ Ne yó udél Musis gbak ebè yó kem sfu Juda, monen, “Ó Dwata, hol hnungolem yóm kni le tóbóng béléem. Hol bud sensotuhem lu bè yó kem dumu le Israél. Mungi sfatay bélê le, Dwata. Hol tnóbóngem lu bè yó kem hohon le.”

Dwata 33:7 Referans Kwoze

Hibru 7:14

Bong bè yóm gónó tekuy mogot, tódô kdéen tau se temngón du yóm kesfuhen gu bè Juda. Bè yóm tehe gel kehlau Musis yó kem tau mò blóng le ebè Dwata ekni, laen kô dù monen bè yó kem kun sfu Juda.

1 Kurin 15:25

Bede là tagad nmoen du he yóm yó ke là nan na gotu ndà kul elaan yó kem hmohon du.

Kun Snulat Luk 19:27

Bong ni kem tau alì hmohon do ni bè yóm là kóyô le du ke ou yóm mogot kul, gotu nwit ye lu edini, ne gotu hnatay ye lu bè soluhu.’ ”

Kem Lingón 146:5

Hligal kun yóm tau ke tnóbóng Dwata yóm Dwata tehe Jakub. Hligal yóm tau ke genléd nawahen Dwata yóm Dwata gónóhen mogot.

Kem Lingón 21:8

Ó Dwata, angat gotu kenfóem yóm kdê hohonem. Yóm alì kekgis sigel kwananem gónóm gemkfô kul yó kem tau kmutó nawa kóm.

Kem Lingón 20:2

Du he hol hemwit kóm tóbóng gu ditu bè Gónóen bè kun benwu bè Bulul Sayun.

Mika 5:2

Okóm kóm Bitlihim Ifrata yóm sotu benwu lemnek snakuf Juda, béléem angat gónón lemwót yóm tau néléku mò mogot yó kem tau Israél. Yóm kun kbut yóm tau néléku ni, tehe kem yu ne ekni.

Kem Lingón 78:70

Néléken Dabid yóm tóbóng lówóhen, tnabahen gu bè yóm gónón semgyok ubiha.

Kem Lingón 78:68

Deng mom néléken sfu Juda, dalang se yóm Bulul Sayun yóm hol kenbong nawahen.

Kem Lingón 21:1

Ó Dwata, tey kehligalen yóm tau hol geta lemwót bè yóm kóm kgis. Tey kehligalen mensag lemwót bè yóm kehegmoem du.

2 Samwél 5:24

Ke gungol ye uni lemafang ta yó kem koyu balsam yó, tódô kento ye mundug kul. Yóm gungol ye yó, yó se ilóen denge tukô gna kuy naw e genlà yó kem Flistin.”

2 Samwél 5:19

Duhen yó, snólók Dabid Dwata, “Mite sfatay bè yó kem Flistin kô? Hegmoem ou bélê le kô?” Yó balà Dwata du, monen, “El, miti sfatay bélê le, hegmou uu bélê le.”

2 Samwél 5:1

Omin le gotu mógów ebè Dabid bè Hibron yóm sfolò lewu kem tbong Israél, ne yó mon le mò du, “Mi se yó kem kóm dumu ne kóm litô.

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Kem Lingón 89:24

Tey tendo kbong nawahu du yóm Dabid, là kóen monol yóm nawahu ebéléen. Tendo gel hegmou bè yó kem hmohon du.