Dwata 33:2 - Udél Dwata: Gna Kesfasad ne Lomi Kesfasad

² “Hesut gu bè Bulul Sinay yóm sana Dwata hol gónó mogot. Lómó khesuten lómón khesut yóm kdaw eta benwu Idom. Lenwóten bè Bulul Paran, mnóng ebè yó kem kun tau. Botong sfolò libu hógówen mung du ne wen yóm ofi tendo dmilóf fi bè sigel kwananen.

Dwata 33:2 Referans Kwoze

Deng Hegfan 5:11

Bud nkayu bè yó ketngelu, ne tódô gungolu se yóm tey sngal yó kem tey hógów Dwata balù hilu kati kwen le. Mdà le hilol yóm kun gónó myón yóm fen kmamal, ne hilol yó kem fat mtulus, ne yó kem tau tuha.

Hbakuk 3:3

Tódô tonu Dwata yóm hol mólós, hlalak gu lem yóm benwu laen hol wen tauhen, lemwót gu bè Idom ne bud mlan bè yó kem bulul bè Paran. Tódô tfeng longit yóm tey keslinangen ne tfeng tonok yóm kdê tau dmóyón du.

Sulat Jud 1:14

Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.

Kul Nmò 7:53

Igoen yu se gónó Dwata e bemlay du yóm kun hlau, yóm hlau tehe hlanen bè yó kem hógówen gu bè longit. Okóm,” mon Stéfén, “là kô dog nimón ye du.”

Kem Lingón 68:17

Kewót Dwata bè Bulul Sinay, mung du yó kem klitun tók là bud gsóhem du hilu libuhen, tódô hlós ebè yóm kun Gónô bè Bulul Sayun.

Hibru 2:2

Tey mget yóm tehe tulón Dwata yó kem tehe fù tekuy ekni, hlanen bè yó kem gel hógówen gu bè longit. Ke wen tau mulé du, sal gel megtafak du, yóm tafak mò balà yóm sidek deng nmoen.

Hibru 12:20

Yó gónó le alì likò lan Dwata tódô mon du mò kul, “Hol bê ye abay hloni ebè nim bulul ni, anien ke olon ógóf hloni du, tódô hnatay ye, sentudà ye botu.”Balù Musis bè yóm ktonen du yóm bulul yó, botong monen, “Sidek klikou dou, botonge kenkel.”

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Glasya 3:19

Duhen yó, ke lómón yó se kmoen tedu se muhen yóm kehsulaten du ke Musis yóm hlau? Yó muhen mò hdilô du bè yó kem tau yóm salà le. Wen mu Dwata du efet yóm kdaw kkól yóm tau monen semfu gu bè Abraham, yóm tau gónó Dwata e mon du yóm tehe fasaden yó. Bè yóm tehe keblay Dwata du ke Musis yóm hlau, wen hógówen gu bè longit mò blóngen ebè Musis. Bong ke Musis kun, mò fen blóngen ebè kem tau.

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

2 Kurin 3:9

Ke wen tey keslinang yóm kfasang Dwata gfan bè yóm hlau mit hatay, milud he keslinang yóm kfasangen yóm lomi lan nmoen mò gónó le mowil.

2 Kurin 3:7

Bè yóm tehe kehsulat Dwata du ke Musis bè botu kufil yóm hlau gnan, tey keslinang lem uyó Musis, lemwót bè yóm kloni Dwata béléen. Balù yóm konol yóm keslinang lem uyó Musis, ewenem sana là kegbek le temngel ebéléen yó kem tau Israél, bà mon yóm tey keslinang lem uyóhen. Ke yó se kmoen bè yóm tehe keblay Dwata yóm hlau mit hatay,

Dwata 5:22

Ni se yóm sfolò kem hlau hlolò Dwata kuy bè yóm tehe kesbung ye bè bulul Sinay. Tódô mudél ebélê ye gu lem yóm dilóf ofi ne lobun mfól ne tey mfasang yóm kudélen yó. Ni se yóm hlau hloloen kuy, laen dù dumuhen. Ominen smulat du ta yóm lewu kem botu kufil yóm hlauhen yó ne oguhen dou.

Glasya 4:24

Ni kem lewu libun ni, sal wen henléden. Yó henléden, duhen yóm lewu kesfasad nmò Dwata mò lan tau hloni ebéléen. Yóm libun hesek boluyen Hagar, hono hesek yó kem kun ngà. Yó henléden yóm Hagar, duhen yóm hlau tehe blay Dwata ke Musis bè bulul Sinay.

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Kem Lingón 50:2

Lenwóten bè Bulul Sayun yóm bulul tódô ket du ktiloben, gónón gfan yóm tey keslinang Dwata.

Danyél 4:13

Bè yóm igou temngel du yóm koyu yó, tódô tonu se htuntun gu tta bè longit yóm sotu hógów mit tulón, yóm alì mólós.

1 Bok Kem Tau Hol Geta 11:18

Mlóy le lemwót bè yó bè Midyan, mógów le etu bè Paran, ne wen kem dumu tau mung kul etu bè Idyip na le e mógów ebè Faro yóm tau hol geta bè Idyip. Botong wen tonok blayen ke Hadad, ne wen gónóen, ne du temdof kul ken.

Kem Lingón 68:18

Bè yóm kegdekem ta bè yóm bulul geta yó, Dwata, tey kem tau negef nalakem mung kóm. Wen tey basa slong le kóm yó kem tau, balù yó kem tau deng matù kóm, sana kwen kul basa kóm. Duhen ni, deng nô lem blóng tekuy bè ni yóm sana kut Dwata hol gónó mogot.