Dwata 33:19 - Udél Dwata: Gna Kesfasad ne Lomi Kesfasad

¹⁹ Gotu tinok le yó kem tólóng tau ebè yóm kul bulul ne dsù le bè yó yóm hol bang knóón dsù ebè Dwata. Wen tey hyu klowil le lemwót bè mohin, lemwót bè yóm gel ton le lem yó kem helek bè kilil mohin.”

Dwata 33:19 Referans Kwoze

Isaya 60:5

Bè yóm ktonem du yóm ni angat tey kligalem, botongi gehkak. Ne yó kem kendengen bè yó kem benwu gónó le gu lemwót, gotu nwit le ebéléem. Wen se kem kendengen lemwót gu fatu mohin, gotu nwit le lu ebéléem.

Kem Lingón 4:5

Snaligem Dwata, ne dsuem yó kem dsù hyu.

Isaya 2:3

Ne yó angat mon le, “Lemwót tekuy ne mneged ebè yóm bulul Dwata, hlós tekuy ebè Gónô yóm Dwata yó kem tau Israél. Angat toloken tekuy yóm kun kóyô bélê tekuy ne angat lolò tekuy yó kem lan hloloen tekuy. Abay se yóm kun tolok Dwata, bè Jirusalim gónón lemwót. Bè yó gónón gel mudél ebè yó kem kun tau, bè yóm bulul gel boluy le du Sayun.”

Kehewà 15:17

Nwitem lu ebè yóm kóm tonok, hol lómón ke huluhem lu bè yóm kóm bulul, yóm benwu deng nélékem mò hol kóm gónô nô, Dwata, yóm benwu mò gónóm hemdà yóm kóm Gónô.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

Mika 4:2

Tey dê but tau angat mógów ebè yó, yó udél le, “Lemwót tekuy ne mneged eta yóm bulul Dwata, mógów tekuy etu bè Gónô yóm Dwata yó kem tau Israél. Bè yó gónón tmolok du tekuy yóm kun kóyô anì lolò tekuy yóm kun lan.” Abay se bè yó kem kdaw yó, lemwót bè Jirusalim yóm kun tolok Dwata ne yóm kun udél.

Isaya 60:16

Yó kem dumu benwu ne yó kem tau hol geta mogot kul, angat hol sen-gyok le uu hol lómón yóm libun gel sen-gyoken ngaen. Bè yó se gónóm temngón du ou se yóm Dwata hol lemwà kóm, yóm Dwata yó kem tau Israél yóm Dwata laen dù là gbeken du.

Kem Lingón 107:22

Yake hol le demsù ebéléen mò gónó le slamat béléen, ne hlan le bè yóm kehligal le semngal. Yake hol tulón le du yóm deng nmoen bélê le.

Kem Lingón 51:19

Ke yó se kmoen, angat tey kehyu nawahem du ke wen gel dsù me ebéléem. Senged se yóm dsù gel hkekeb me, tey kehyu nawahem du. Ne angat wen kem safì tudu gel dsù me ebéléem snéen.

Dwata 32:13

Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Tekang Kbuten 49:13

Bong ke Sibulun kun, angat menwu bè kilil mohin. Bè yó gónó le tendo gel dmuung yó kem kafal. Tey lamang yóm tonoken, botong gefet bè syudad Sidon.

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 4:6

Tey dê tau mon du, “Wen kô gembek mò du bélê me yóm hyu?” Ó Dwata, hegfanem bélê me yóm tey kehyuhem.