Dwata 33:13 - Udél Dwata: Gna Kesfasad ne Lomi Kesfasad

¹³ Yó udél Musis gbak ebè yó kem sfu Jusif, monen, “Dwata he hol hkulón du eta yóm tonok le ne wen él hesuten gu laan tonok mò tendo hméfê du.

Dwata 33:13 Referans Kwoze

Mika 5:7

Ominen lemwót yó kem dù mowil bè yó kem tau Israél menwu lem blóng yó kem tólóng benwu, hol lómón kmò le ke amù hwit Dwata ebè yó kem dumu tau, duhen ke kulón mò hméfê bnes. Són Dwata snalig le, là kô le smalig bè tau.

Husiya 14:5

Yó kmou yó kem tau Israél, lómón ke ou yóm amù gotu hnéféen kdéen. Angat le mból lómón bulók. Angat nelem kdolil le lómón kem koyu sidar bè benwu Libanun.

Kem Udél Hlalak Tehe Selumun 19:12

Yóm klikò tau du yóm alì ksidek kebut yóm tau hol geta hol lómón klikoen du yóm ngel yóm gel mon le liyun. Okóm yóm kun kehyu nawa ebéléen yóm tau hol geta lómón kehyuhen bè bnes yóm amù.

Kem Udél Hlalak Tehe Selumun 3:20

Bud lemwót bè kun ketngón gónón tendo hlel yó kem él ne yó kem lobun tendo hosok amù e talak tonok.

Sikaraya 8:12

Bè yóm bud kmò ye hulu, tey wen kenek nawa ye. Tey angat bud kbungu le yó kem grép, dalang se yóm tonok ye tey angat ketbasen ne angat gel hkulónu bè klamangen. Yóm kdéen ni, angat gotu blayu ebè yó kem dù dou tau tebel bè Juda ne bè Israél mò tóbóngu kul.

Kem Lingón 110:3

Bè yóm kdaw angat kwitem sgida, wen tey óyô le tmóbóng kóm yó kem tauhem. Yó kem ngà logi sendaluem alì mólós nes le, angat le sut béléem ket hlafus, hol lómón kmò le, lómón ke amù gel sut hlafus.

Dwata 32:2

Kehlingónu du nim toloku ni, hol lómón ke kulón gdek ete tonok, ne hol lómón ke amù te tonok. Yóm udélu ebélê ye ni, hol lómón ke blanas eta yó kem hulu ne hol lómón ke blanas eta yó kem bnes.

Tekang Kbuten 48:9

Bnalà Jusif se, monen, “Ni se kem ngau, kem ngà blay Dwata dou bè ni bè Idyip.” Mon Jakub se, “Hlonihem lu dou edini anì noluhu lu.”

Tekang Kbuten 48:5

Ne yó bud mon Jakub mò ke Jusif, “Ne ni, Jusif, yóm gu laanu là deng kól dini, deng lewu ngaem bè ni bè Idyip, le Ifraim ne Manasi. Yó kem lewu ngaem yó, dou funen. Hol dou ngà, hol le senged bè yó kem ngau twogu le Rubén ne Simyun.

Tekang Kbuten 27:27

Bè yóm igoen hloni ebè maen na a melek du, gungef Isak boo yóm nes leseken ne yó gónón molu du, monen, “Yóm tey klinggel boo yóm ngau, hol lómón ke boo yóm tonok deng tnóbóng Dwata.

Tekang Kbuten 27:39

Ne yó mon Isak mò du, “Bong béléem kóm, laen dù amù lemwót bè longit ke hméfê tonokem. Laen dù tonok hyu ke mò nfunem.

Dwata 33:14

Hol tendo tnóbóng Dwata he yóm tonok le anì tendo gengón yó kem bungu koyu alì mnóm bélê le ne tódô ket bulónen tendo setgafit mungu yó kem koyu alì hyu bélê le.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Kem Lingón 148:7

Hol dóyón ye Dwata se kuy, yu yem kdéen nô te tonok. Gomong yó kem blol lembang nô lem yóm tey mohin nelem, hol gel dóyón ye Dwata.