Dwata 33:11 - Udél Dwata: Gna Kesfasad ne Lomi Kesfasad

¹¹ Ó Dwata, hol tnóbóngem nim sfu Libay ni anì hol le mbegel. Hyu ke holi hligal du bè yó kem gel nmò le. Genlaem yó kem hohon le, béem bud hlowil lu.”

Dwata 33:11 Referans Kwoze

2 Samwél 24:23

Gotu blayu kóm ni kem ni, ne Dwata he hol hemmóyô yóm dsuem, yóm sana kóm Dwata hol gónó mogot.”

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

Jirimaya 15:10

Yó udél Jirimaya, monen, “Tey tau laen dù kligalen nim ou. Moen de, Yê, ke tehe hesutem ou lem nim benwu ni? Tey kekbê le dou yó kem tau bè klamangen benwu me. Là kóe deng mutóng filak se dou ne là se kóe deng hutóng. Okóm moen se ni du ke deng mom hnagi le ou yó kem tau?”

Kem Lingón 20:3

Hol henmóyô Dwata he yó kem blayem du, ne hol hligal du he yó kem gel dsuem ebéléen.

Dwata 33:10

Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

Jirimaya 17:18

Yóm kdê tau tendo hmayam do ni, hol henyakem lu ne hol benlayem lu klikò. Okóm benlayem ou kenek nawa yó dum do. Tahu se, Dwata, hol tennuem yóm hegfaem kul.