Dwata 33:10 - Udél Dwata: Gna Kesfasad ne Lomi Kesfasad

¹⁰ Angat lu fen tmolok yó kem kóm tau anì nimón le yó kem hlauhem kul. Bud lu snéen demsù bè yóm gónó gel demsù ebéléem.

Dwata 33:10 Referans Kwoze

Kem Lingón 51:19

Ke yó se kmoen, angat tey kehyu nawahem du ke wen gel dsù me ebéléem. Senged se yóm dsù gel hkekeb me, tey kehyu nawahem du. Ne angat wen kem safì tudu gel dsù me ebéléem snéen.

1 Samwél 2:28

Bè kdê yó kem tbong Israél, kun fes lówó yóm fuem yó yóm néléku mò demsù ebéléu bè yóm dou gónô demsù, mò mtem ebéléu insinsu ne mò lemsek nes ifod bè soluhu. Ne benlayu lu kwalis ma yóm kul ólól bè yóm gel dsù le ebéléu yó kem tau Israél, yóm dsù gel hlan le bè ofi.

Hibru 9:24

Yóm gónô Dwata gónó Krays husek yó, sundu gónô nmò tdok tau du, olo hningónen yóm tahu duhen bè longit. Okóm deng kól ditu ne bè longit Krays. Deng mdà bè solu Dwata, abay se du fen semblóng tekuy ebéléen.

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Husiya 4:6

Yó gónó le gotu meglà yó kem tauhu abay se là kô tngón le do. Kuy salà se yó yu kem tau gel blóng ebéléu, abay se deng mom yu kembê do. Duhen ni, kenbéu yu se kuy ke tô ye bud semblóng tau ebéléu. Lemwót bè yóm deng kekbê ye yó kem hlauhu kuy, angat bud kenbéu lu se do yó kem ngà ye.

Nihimaya 8:18

Tódô lemwót bè yóm tanay kdaw kmò le du yóm kehligal le yó efet kól bè kdengen, tódô ket kdaw Isra tendo semfala du lem blóng le yóm Hlau Dwata. Hitu kdaw le kegen le mò du yóm kehligal le yó. Ne bè yóm gwoluhen kdaw bud le stifun mò sónen, tódô lolò le yóm monen lem yóm Hlau Dwata.

2 Tutul Israél 30:22

Tey kdóyón Hisikaya kul yó kem sfu Libay bè yóm tey dê kenhulung hegfan le bè yóm kmò le nmò bè Dwata. Duhen yó, hitu kdaw le mò du yóm kehligal yó. Dsù le yóm dsù mit sefyu ebè Dwata, ne gotu benkas yó kem tau ebè Dwata yó kem salà le bè yóm Dwata yó kem tehe fù le.

2 Tutul Israél 26:18

Tódô le ssolu ke Usiya, mon le mò du, “Là kô uu du, Usiya, yóm mtem insinsu ebè Dwata. Kem sfu Libay fen mò du, yó kem tau gel blóng ebè Dwata, kem tau deng hetfing le mò fen mò du yóm nmò ni. Hewai lem yóm Gónô Dwata ni, abay se dengi gemsalà. Là kô nadaten kóm yóm Dwata hol gónó mogot bè yóm nmoem ni.”

Lista 16:46

Ne yó mon Musis mò ke Aron, “Nahem yóm gónóm gel hemsù ofi, suem lemen yóm bala ofi lemwót bè yóm gónó le gel demsù ne bnulusem insinsu. Géhél hetlasik nwitem elem blóng yó kem tau ne nmoem lem blóng le yóm sana gel nmoem bè khólós tau anì mólós le bè kton Dwata kul. Hetlasiki, abay se deng sut yóm lebut Dwata ne deng wen des mekto sut lem blóng le.”

Lista 16:40

Nim lafin lenubaken ni mò eles gónó le temgama yó kem tau Israél anì laen dù tau mógów bè solu Dwata mò mtem insinsu ke là tauhen semfu gu bè Aron. Ke wen tólóng tau tô mò du angat mkél kul le Kura ne yó kem lemolò du, gotu le meglà matay. Tahu se, gotu nmò Ilisar yóm kdê deng hlolò Dwata du hlanen bè Musis.

Hlolò 16:12

Ominen ma yóm gónó le gel mit ofi ne nlemen yóm bala ofi nô bè yóm gónó le gel demsù. Ne wen lewu kuf insinsu bulus bud nwahen, yóm alì tilob boohen ne nwiten elem yóm Dfél hol gónón nô Dwata.

Hlolò 16:13

Bè yóm kkólen ditu lem yóm Dfél gónó Dwata nô, lemwót yóm insinsu nwiten, bulusen lem yóm bala ofi anì hol kmebel. Ne lemwót bè yóm tey kebelen, yó gónón là gfan yóm sefeng yóm Slungan Fasad gónó Dwata mkó yó kem salà le. Ke hol loloen yóm hlolò Dwata du yó, là kóen matay.

Dwata 33:11

Ó Dwata, hol tnóbóngem nim sfu Libay ni anì hol le mbegel. Hyu ke holi hligal du bè yó kem gel nmò le. Genlaem yó kem hohon le, béem bud hlowil lu.”

Isra 7:10

Nim Isra monen ni, tódô hotuhen nawahen hemnagì du yó kem hlau Dwata, lelen mimón du ne gotu toloken yó kem tau Israél yóm kdê deng hlolò Dwata kul.

Dwata 27:14

Lemwót kul yó kem dumu sfu Libay fen hgel le udél le, mon le,

Hagay 2:11

monen, “Ni snólóku bè yó kem gel demsù ebéléu, monem mò kul.

Hagay 2:12

Mò kmoen ke wen bélê ye wen nahen bè yóm utón deng dsuen ebéléu ne bensongen nesen yóm utón deng mólós yó. Mò kmoen ke wen mambang gónón gló duhen ke ken duhen ke ninum duhen ke tóbô kihu bè yó kem dumu kay gel ken le? Gomong mólós kô yóm gónón gló yó?” Timbow snólók Hagay bè yó kem tau gel demsù ebè Dwata yóm sólók yó, yó balà le du, mon le, “Là, là kóen mólós.”