Dwata 33:1 - Udél Dwata: Gna Kesfasad ne Lomi Kesfasad

¹ Ni se yó kem udél Musis yóm tau Dwata, bè yóm kuyagen yó kem tau Israél gu laanen là deng matay, yó monen,

Dwata 33:1 Referans Kwoze

2 Pitér 1:21

Abay se yóm tehe eles gel tulón le yó, là kóen lemwót bè kehedem tau, okóm bè Dwata gónóhen hol lemwót, yóm Tulusen fen hemlan du bélê le bè yóm kehtugod Dwata du kul.

2 Timuti 3:17

Mlan bè yóm kehnagien du yóm Sulat Dwata gónón baling sikof kehedemen yóm tau mò nmò bè Dwata. Balù kihu hmò Dwata du, gbeken.

1 Timuti 6:11

Okóm kóm, Timuti, uu se tau Dwata, holi hlayuk du kóm ni kem ni. Hol sen-galuhem yóm nawa btol, yóm nawa gulit, nawa hulung hbala, nawa ganag. Hol naluhem ketnù yóm kehtahuhem bè Dwata ne yóm kbong nawahem kem dumuhem.

Kun Snulat Jan 16:33

Yó gónóhu eles tmulón du kuy ni kem ni anì lemwót bè yóm kessotu tekuy gónón wen kenek nawa ye. Angat tey wen gónó ye glayam lemwót bè yó kem tau là hemtahuhen,” mon Jisas, “okóm bê ye abay hlikò, abay se denge matù bélê le.”

Kun Snulat Jan 14:27

Wen kenek nawa tebelu bélê ye. Hol lómón yóm dou kenek nawa nim tebelu bélê ye ni. Là kóen mkél bè yóm kul kenek nawa yó kem tau là hemtahuhen. Hol bê ye hesbeweg kehedem ye, ne bê ye se abay hlikò.

Kem Lingón 90:1

Ó Dwata, yóm gónó me mogot, són uu se tendo gónó me glébéd lemwót bè kbuten.

1 Bok Kem Tau Hol Geta 13:6

Yó mon yóm tau hol geta bè yóm tau Dwata, “Ni hkoduhe béléem, mnihi do bè yóm sana kóm Dwata hol gónó mogot anì bud mulék hyu nim sigelu.” Tahu se, mni bè Dwata yóm tau Dwata yó, ne mulék hyu se yóm sigel yóm tau hol geta yó.

1 Bok Kem Tau Hol Geta 13:1

Wen sotu tau Dwata lemwót bè Juda hógów Dwata ebè Bétél. Ne bè yóm kkólen bè Bétél, tonen Jirubuam hloni bè yóm gónó gel demsù ne wen tô dsuen.

1 Samwél 2:27

Sotu kdaw, wen tau Dwata sut bè Ili ne tulónen du yóm udél Dwata ebéléen, monen, “Bè yóm tehe keghesek yóm fuem Aron bè yóm tau hol geta bè Idyip, dalang se yó kem fes lówóhen, tehehe hegfan bélê le.

Kmukum 13:6

Ominen lemwót yóm libun yó nan e tnulón tuha logihen, monen, “Wen tau Dwata gu béléu, hol lómón kmoen lómón ke hógów Dwata gu bè longit, ya tey sidek klikou. Là kóe mlos smólók du gónón gu lemwót, ne là se tulónen du dou boluyen.

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Tekang Kbuten 49:1

Timbow deng kudél Jakub ebè Jusif, ominen gotu htaba yó kem ngaen logi, monen mò kul, “Sbung ye e klohoku, eles tulónu kuy yóm angat kmò ye elem hulin kdaw.

Tekang Kbuten 27:4

Tnógóhem dou yóm utón alì mnóm béléu, ominem mit du edini béléu. Ke deng deng kkenu du, wen oluhu kóm gu laanu là deng matay.”

Jirimaya 35:4

Nwitu lu elem Gónô Dwata bè yóm dfél gónó le mò nmò yó kem ngà Hanan logi, yóm Hanan ngà Igdalaya logi yóm tau Dwata. Nim dfél ni, klohok yóm dfél gónó le gel stifun yó kem genlal yóm tau hol geta, hol nô ta yóm dfél gónón mò nmò Maasiya yóm ngà Syalum yóm tau gel mentey bè bak tikeb yóm Gónô Dwata.

2 Tutul Israél 8:14

Yóm hmò Selumun yó kem tau gel blóng ebè Dwata, tódô loloen yóm deng hlolò maen du. Yó hmoen yó kem dumu sfu Libay, lu fen halaken yó kem tau dmóyón ke Dwata, ne bud lu gel tmóbóng yó kem tau gel blóng ebè Dwata bè yóm gel nmò le bè yó bè Gónô Dwata ket kdaw. Dalang se yó kem tau gel mentey bè ket bak tikeb yóm Gónô Dwata, nólólen lu bè bung le, loloen yóm deng hlolò maen du yóm tau Dwata.