Dwata 32:9 - Udél Dwata: Gna Kesfasad ne Lomi Kesfasad

⁹ Yakà deng néléken du yó kem sfu Jakub mò kun nfun.

Dwata 32:9 Referans Kwoze

Jirimaya 10:16

Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.

1 Bok Kem Tau Hol Geta 8:53

Yakà lu du yóm deng nélékem bè kdéen tau talak tonok, mò hol kóm tau nfun. Ni se tehe tulónem ke Musis, yóm tau tóbóng lówóhem, bè yóm tehe kehewaem kul gu bè Idyip yó kem fù me.”

1 Bok Kem Tau Hol Geta 8:51

yakà lu du yó kem kóm tau, kóm tau deng nfun, kem tau deng hewaem gu bè Idyip, yóm benwu gónó le alì glayam.

Isaya 43:21

Lu se yó kem tau deng nmou mò hol dou tau. Angat tey kdóyón le dou mlan bè kesngal le.”

Kem Lingón 135:4

Abay se deng nélék Dwata Jakub mò kun, nfunen yó kem tau Israél mò hol gónón nô nawahen.

Kem Lingón 78:71

Nwahen Dabid gu bè yóm gónón semgyok yó kem ubiha libun wen ngà le, nmoen mò semgyok yó kem sfu Jakub, yó kem tau Israél hol kun nfun Dwata.

Ifisus 1:18

Hol hnihu bè Dwata anì hlayagen lem hendem ye anì glileb ye yóm kwen tey hendón nefet nawa ye, yó se yóm tehe tabahen kuy. Kóyóu ke hol glileb ye snéen yóm alì kehyuhen yóm deng fasaden bè yó kem kun tau,

Mika 2:5

Yó gónóm mon, ke sok kól yóm kdaw bud khulék le du ebè yó kem kun tau Dwata yóm kul tonok, laen kô kuy ólól du.

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

2 Samwél 14:16

ne hewaen mi lewu me ngau bè yó kem tau tô mkó kum ta yóm tonok deng blay Dwata kum.’

Kem Lingón 28:9

Ó Dwata, hol hewaem yó kem kóm tau. Tnóbóngem yó kem tau Israél, kem tau deng kóm nfun. Nalakem lu lómón yóm tau semgyok ubiha, ne laen kô dù tul sónen yóm ksiwihem kul yó.

Kem Lingón 74:2

Hol hentulónem nawa, mi se yó kem tau tehe nélékem là sekna, kem tau deng nsokem mò hol kóm nfun. Hentulónem nawa Bulul Sayun, yóm kóm gónó nô dini talak tonok.

Kem Lingón 106:40

Yó se gónó Dwata alì lembut kul yó kem tauhen, ne tey kutó nawahen kul yó kem kun tau deng nfun.

Sikaraya 2:12

Deng hetfing Dwata mò kun yóm benwu Juda glem bè kun tonok. Ne bud néléken Jirusalim mò hol kun syudad nfun.

Dwata 9:29

Okóm bè ktahuhen, igò sem lu du yó kem tau deng nélékem mò hol kóm tau ne deng hewaem lu gu bè Idyip mlan bè yóm tey kegbekem ne bè yóm tey kgisem.’ ”

Juswa 24:17

Yóm sana kut Dwata hol gónó mogot, du se deng mit kul hewà yó kem tehe fù tekuy bè yóm gónó le ghesek bè Idyip. Ne deng ton tekuy se yó kem hentaw ton deng nmò Dwata lem blóng tekuy. Efet nim kógów tekuy edini tey kofinen kut Dwata bè yóm klan tekuy gu lem blóng yó kem hohon tekuy.

2 Samwél 20:19

Ou se sotu mit kenek kbenwu bè Israél, ne tenebe bè ni. Mom tô genbaem yóm hol yê yó kem syudad bè Israél. Moen ke genbaem yóm nfun Dwata?”

Kem Lingón 33:12

Ya tey kehligal yó kem tau bè kihu benwu ke Dwata hol kul gónó mogot. Hligal le se kul yó kem tau nélék Dwata mò kun tau.

Kem Lingón 106:5

anì gbóte se do bè kehyu klowil yó kem tau deng nélékem, ne anì gbóte hligal bè yó kem tauhem, ne munge bélê le dmóyón kóm.

Isaya 19:25

Ne tey któbóngen kul yóm Dwata laen dù là gbeken du yó kem benwu yó. Ne yó udélen ebélê le, monen, “Tnóbóngu yu kem tau Idyip kem dou tau. Ne tnóbóngu yu snéen kem tau Asirya kem dou tau tehe nifil. Ne bud tnóbóngu yu kem tau Israél kem dou tau tehe nélék.” Là gomongen bè nili yóm tsaptér 20 kól bè 24. Yó htulón Dwata ke Isaya bè ni kem tsaptér ni yóm kegbà benwu. Monen bè bérs 5, “Glayam yóm klamang benwu lemwót bè salà yó kem tau nô tahen, abay se deng gotu senkban le yóm kun hlolò Dwata, nulé le yó kem hlauhen ne genbà le yóm tehe kesfasad le laen tul sónen. Yó gónóm mon, megtafak tonok gomong kem tauhen. Gotu lana bélê le yóm kdéen, gotu mlób bè ofi. Là buden dê tau tebel mowil.” Okóm yó kem dù tebel yó, gotu le hemsag ne semngal bè yóm tey kligal le. Monen bè bérs 16, “Hnungol ye lu bè yóm tey kesngal le ebè Dwata lemwót bè són tonok. Hnungol ye yóm kdóyón le yóm Dwata Hol Tedeng Kmoen mlan bè kesngal le.” Monen bè tsaptér 24:21-23, “Bè yóm kdaw yó gotu tnafak Dwata yó kem gel hógówen gu bè longit deng mung ke Seitan. Bud tnafaken yó kem tau hegmón kmamal yó kem but tau talak tonok. Gotu senbungen lu ne gotu suen lu lem blanggù efet le golu elem hatay. Ominen yó myón bè yóm gónón myón kmamal bè Bulul Sayun yóm Dwata laen dù là gbeken du. Tey minggel kwiten du yóm benwu Jirusalim. Lemwót bè yóm tey ktiloben lómón ke kmanas yóm layag kdaw ne bulón.”

Jirimaya 2:7

Bè yóm tehe kwitu kuy eta yóm tey tonok tembas gónó ye hligal mken du yó kem hyu tmowok tahen, deng mom nmò ye yóm sidek ta nim tonok ni, yóm tonok deng tehe fasadu kuy.