Dwata 32:8 - Udél Dwata: Gna Kesfasad ne Lomi Kesfasad

⁸ Yó nmò yóm Dwata hol geta bè kdéen, wen mdengen benwu blayen bè ket bung tau talak tonok. Tódô eles hendemen yóm knóón bang gónó le nô yóm kdê le. Eles hendemen se yóm benwu geblà bè yóm kwen yó kem tau Israél.

Dwata 32:8 Referans Kwoze

Kul Nmò 17:26

Tek sotu tau nifil Dwata bè kbuten,” mon Pol. “Yó se gónón lemwót kdéen kay but tau. Hnóen lu bè klamang benwu nmoen. Eles tngónen snéen yó kem benwu gónón hemsù kul yó kem ket but tau, ne tngónen snéen yóm kegen le nô du.

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Kem Lingón 115:16

Yóm longit, ke Dwata funen, okóm yóm tonok, fen blayen bè tau.

Kem Lingón 92:8

Okóm uu se, Dwata yóm hol geta bè longit, ne laen kô dù sónen yóm kegetahem.

Kem Lingón 91:1

Yóm tau tendo hofin bè Dwata ne ke henek bè kofinen du, yóm Dwata laen dù là gbeken du,

Kul Nmò 7:48

Okóm,” mon Stéfén, “là kóen nô lem gónô nmò tau yóm Dwata, yóm hol geta bè kdéen. Wen tehe hsulaten yóm sotu tehe tugoden ekni, monen,

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Isaya 14:14

Yó tehe monem, “Angate nô ta yó kem lobun alì geta ne angate mkél bè yóm Dwata laen dù là gbeken du.”

Kem Lingón 82:6

Yó tehe monu mò kul yó kem tau kmukum yó, ‘Lómón ke dwata ye, hono ye ngà yóm Dwata Hol Dandónen Geta.

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Kem Lingón 7:17

Slamate ebè Dwata lemwót bè yóm tey ktedengen. Sngalu yóm sngal dmóyón ke Dwata yóm Dwata hol Dandónen Geta.

Lista 24:16

ne mdengen klinguhen mungol du yóm mon Dwata ne hulung temnef du yóm hetngónen du yóm Dwata hol dandónen geta bè kdéen. Bè yóm igou tódô teneng temngel wen hton Dwata dou, yóm Dwata alì gembek.

Lista 23:9

Lenwótu ta yó kem léhék geta, gotu tonu lu. Tenngelu lu lemwót gu ta yó kem ngà bulul. Lu se sotu but tau htólóng Dwata bè yó kem dumu tau. Tódô tngón le yóm deng kehetfing Dwata kul bè yó kem dumu tau.

Dwata 33:28

Yó gónóm mon, menek kbenwu le yó kem sfu Jakub. Gsengel nawa le du yóm tonok le tódô hono hulu tahen, dalang se yó kem grép gónón lemwót yó kem tifas gel ninum le. Yóm tonok le yó, tendo hnéfê yóm amù lemwót gu bè longit.

Kem Lingón 74:17

Uu se deng mò kilil yóm klamang benwu, nmoem bulónen kinì ne nmoem bulónen tnaw.

Mika 2:5

Yó gónóm mon, ke sok kól yóm kdaw bud khulék le du ebè yó kem kun tau Dwata yóm kul tonok, laen kô kuy ólól du.

1 Tutul Israél 16:18

Yó tehe fasaden kul, monen, “Blayu kuy yóm benwu Kanan mò hol kuy nfun.”