Dwata 32:7 - Udél Dwata: Gna Kesfasad ne Lomi Kesfasad

⁷ Hentulón ye nawa dé yóm tehe nmò Dwata ekni. Snólók ye mà ye anì tulónen kuy yóm tehe kmoen bè yóm kdaw yó. Snólók ye yó kem tuha anì tulón le kuy.

Dwata 32:7 Referans Kwoze

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Isaya 46:9

Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.

Dwata 4:32

Henkna ye dé yóm gnan kdaw, bè yóm kdaw gu laan ye là deng sut he, bè yóm tehe kdaw kifil Dwata tau mò nô te tonok. Hnénég ye dé yóm klamangen benwu. Deng wen kô sut lómón nim sut bélê tekuy ni? Deng wen kô mungol du nim lómónen ni?

Isaya 63:11

Omin le yó he hemtulón nawa du yóm tehe kun kdaw Musis ekni, yóm sotu tau tehe tóbóng lówó Dwata. Yó sólók le, “Nô se yóm Dwata tehe lemwà yó kem tauhen mifal mohin, mung kul yó kem tau gónó le galak? Nô se yóm Dwata tehe hemsù du bè Musis yóm Tulusen?

Kmukum 6:13

Yó mon Gidyun mò du, “Ó Sér, ke nô bélê me se Dwata, moen du ke lómón ni gfà me? Nô se yó du kem hentaw ton tehe tulón le kum yó kem tehe fù me, yóm tehe nmò Dwata bélê le bè yóm tehe kwiten kul hewà gu bè Idyip? Okóm deng tódô bayà Dwata mi. Deng lusen mi elem hólól yó kem tau Midyan.”

Kem Lingón 119:52

Ke gel hendemu, Dwata, yó kem tehe hlauhem ekni, yó se hemyu nawahu.

Kem Lingón 77:8

Yóm tehe kbong nawan dou là monolen, laen duen ne kô? Yó kem tehe fasaden dou, laen duen ne kô?

Kem Lingón 10:6

Yó mon nawa le, “Laen kô dù sidek gefet bélê tekuy. Laen kô dù gfà tekuy efet kól bè sónen.”

Kehewà 12:26

Ke angat snólók le yu yó kem ngà ye ke tedu lanen nim gel nmò ye ni,

Kem Lingón 78:5

Wen hloloen ke tehe Jakub, wen hlau hloloen yó kem tau Israél. Hloloen yó kem fù tekuy anì hol bud tolok le bè yó kem ngà le yóm hlauhen kul yó,

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Kem Lingón 44:2

Yóm deng gotu kehdóhem yó kem tau là hemtahu béléem ta yóm kul tonok anì blayem bè yó kem fù me yóm tonok le. Gotu genlaem yó kem hohon yó kem fù me, okóm kul yó kem fù me yó, fen hbegelem lu.