Dwata 32:6 - Udél Dwata: Gna Kesfasad ne Lomi Kesfasad

⁶ Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.

Dwata 32:6 Referans Kwoze

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

1 Jan 3:1

Laen bang gónóhu e hmingón du yóm kun alì kbong nawa tekuy yóm Mà tekuy bè longit, botong tnabahen tekuy kem ngaen ne tahu se yóm deng kngaen tekuy yó. Yó gónó le là sfulung ebélê tekuy yó kem tau là hemtahuhen lem nim benwu ni, abay se là deng tngón le ke Dwata.

Isaya 64:8

Okóm uu se, Dwata, kum mà. Lómón ke mi yóm tonok gel nmò le kuleng ne uu se yóm mifil kum. Uu se tehe dmimun kum.

Isaya 44:2

Ou se yóm Dwata tehe mifil kuy. Tódô lemwót bè ksut ye yóm tendo któbóngu kuy. Hol bê ye abay hlikò, yakà yu du yóm tóbóng lówóhu. Yu se kem tau deng tehe néléku, kem tau kenbong nawahu.

Kem Lingón 74:2

Hol hentulónem nawa, mi se yó kem tau tehe nélékem là sekna, kem tau deng nsokem mò hol kóm nfun. Hentulónem nawa Bulul Sayun, yóm kóm gónó nô dini talak tonok.

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

Glasya 4:6

Wen lan Dwata hdilô du bélê tekuy yóm kngaen tekuy, duhen yóm ksuen du bélê tekuy yóm Tulus yóm Ngaen. Lemwót bè yóm knóen bélê tekuy yóm Tulusen yó, yó se gónó tekuy là bud lengayà tmaba du, “Mà.”

Glasya 3:26

Lemwót bè yóm kehtahu ye, deng ye gotu baling ngà Dwata ne, ne deng ye ssotu bè Krays Jisas.

1 Kurin 6:20

Yakà deng tehe benlihen tekuy, ne tey mebtes yóm keblihen tekuy. Duhen yó, bè kmò kwit tekuy yóm lówó tekuy, hol nmò tekuy yóm gónó Dwata megdóyón.

Sulat Pol Ebè Yó Kem Tau Hemtahu Bè Rom 8:15

Abay se yóm Tulus Dwata deng nô bélê ye là kô nmoen kuy tau ghesek bè klikò. Ne mlan bè yóm Tulus Dwata yó, deng ye baling kun ngà, ne gbek ye ne tmaba ke Dwata, “Ó Mà.”

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

Kun Snulat Jan 8:41

Yóm nmò ye béléu ni,” mon Jisas, “deng dnalang ye bè yóm kuy mà.” Bnalà le Jisas, mon le, “Bang tô dumu Mà me se kum du, tek són sem Dwata. Mi se hol tahu ngaen.”

Isaya 43:7

Lu se yó kem hol dou tau. Deng nmou lu mò gónóhu hol megdóyón.”

Kem Lingón 149:2

Ó kem tau Israél, hol hnigal ye yóm deng mifil kuy. Dalang se kuy, kem tau bè Jirusalim, hol hnigal ye yóm Hol Geta bélê ye.

Kem Lingón 100:3

Hol bê tekuy abay klifót, yóm Dwata gónó tekuy mogot, du se yóm hol tahu Dwata. Tehe nifilen tekuy, du se hol mfun tekuy, ne tekuy se yó kem kun tau. Hol lómón ke tekuy yóm ubiha tendo gel sen-gyoken.

Dwata 32:18

Botong klifót le yóm kul Dwata yóm mà le, yóm là monol nawahen ebélê le, yóm deng hlowil kul.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Isaya 1:2

Ni se udél Dwata ebélê le yóm Dwata hol gónó mogot, monen, “Ó Tonok, Ó Longit, hnungol ye o dé. Yó kem ngà tehe hbongu deng mom knogol le o.

Kem Lingón 116:12

Tedu tô blayu ke Dwata du mò balau yóm tey hyu nmoen béléu?

Kem Lingón 95:6

Géhél ye ne, mtud kuy bukol bè soluhen, ne tmaba kuy ebéléen. Du se yóm hol gónó tekuy mogot, yóm tehe mifil tekuy.

Kem Lingón 74:18

Hendemem dé, Dwata, yóm alì kehnê le kóm yó kem hohonem. Hono kem tau nungel là madat boluyem.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 4:22

Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Dwata 32:28

Yó kem tau Israél, kem tau laen dù tngón le, ne là hulung le hedem.

2 Samwél 7:24

Ne deng hbegelem yó kem tauhem Israél mò hol kóm nfun ne laen dù tul sónen, ne deng uu se baling hol kul Dwata.

Husiya 13:13

Deng wen lan le bud mowil yó kem tau Israél, okóm là móyô le du. Tey le nungel. Hol le mkél bè yóm ngà móyón sut gu lem blutut yéen, là dogen gewà gu lem balayen.

Isaya 43:1

Yu kem tau Israél, ni udél yóm Dwata tehe mò kuy, monen, “Hol bê ye abay hlikò, angat lenwau yu. Deng tnabahu boluy ye, yu se yóm dou tau nfun.

Malakay 1:6

Yó udél yóm Dwata laen dù là gbeken du ebè yó kem tau gel blóng ebéléen, monen, “Hol gel nadaten maen yóm ngà ne yóm tóbóng lówó hol gel wen klikoen yóm amohen. Igoen ou mà ye, moen de ke là nadat ye dou? Igoen ou se gónó ye mogot, moen de ke laen dù klikò ye dou? Yu kem tau blóng ebéléu, yu se yóm deng hemgnok do.” Okóm mom yó mon ye mò dou, “Tedu de deng gónó me hemgnok kóm?”