Dwata 32:5 - Udél Dwata: Gna Kesfasad ne Lomi Kesfasad

⁵ Okóm yóm kuy là kô ye dog gulit, là kô ye knóón ke yu mò tauhen. Hono kem tau gel mò sidek, kem tau mò kéng.

Dwata 32:5 Referans Kwoze

Flipay 2:15

anì laen dù bang gónó le gemsanil kuy yó kem dumu tau, ne anì laen dù belenen yóm kmò knawa ye snéen, yakà deng ye ngà Dwata, tau deng gulit balù yóm knô ye lem blóng yó kem tau là tedeng kehedem le, kem tau hono sidek nmò le. Yóm klowil ye lem blóng le, yake hol lómón ke blotik mnóng lem kifu dé,

Isaya 1:4

Yu kem tau Israél, deng ye golu elem hatay ne yóm kdê ye lemwót bè yóm alì kmò ye sidek. Laen kô dù hyu du yóm gel nmò ye. Deng bong blat yóm salà nô ta ye. Deng mom kenbê ye yóm gónó ye mogot yóm Dwata yó kem tau Israél ne yóm Dwata laen dù belenen. Deng mom knogol ye ne.

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Kun Snulat Luk 9:41

Mudél Jisas, monen, “Yu kem tau kmoen ni, alì ye hemda. Gel sekban yóm kehedem ye. Igoen deng tey kegenu nô lem blóng ye, ne tey kehlawihu nawahu bélê ye.” Omin Jisas mon du mò yóm mà yóm ngà yó, “Nitem edini sen yóm ngaem.” Tahu se, nwiten ebéléen.

Matyu 16:4

Hol monu sidek tau nim yu! Bà udì ke wen nawa ye ebè Dwata. Móyô ye kô ke wen hentaw ton nmou lem blóng ye? Laen kô dù bud nmou ne, tek són nmou lem blóng ye, són yóm hentaw ton tehe ton le bè Juna ekni.” Ominen tódô tmagak kul.

Kem Lingón 78:8

Ke lómón ni, là mkél le bè yó kem fù le, kem tau mgel kulu, ne là nimón le ke Dwata, là mbegelen yóm klolò le ke Dwata, ne là kô le teneb béléen.

2 Kurin 11:3

Okóm tey gel ktafa nawahu kuy. Tnafa nawahu kô gsukat ye bè yóm tolok sekban, ne baling knogol nawa ye Krays, kô là nóen béléen nawa ye. Déke mkél ye ke Ib, gsukat bè alì khulungen mangkal yóm Seitan bè yóm tehe kehlinguhen bè ulal.

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

Kun Snulat Jan 8:41

Yóm nmò ye béléu ni,” mon Jisas, “deng dnalang ye bè yóm kuy mà.” Bnalà le Jisas, mon le, “Bang tô dumu Mà me se kum du, tek són sem Dwata. Mi se hol tahu ngaen.”

Matyu 3:7

Timbow ton Jan yóm kógów le ebéléen yó kem Farisi dalang se yó kem Sadyusi na le e tô hbabtays béléen, tódô monen mò kul, “Ya nim yu, hol ye mkél bè ulal, gel henlóyen ofi. Ilóu ofo kuy ke tô ye gewà lemen yóm angat tafak Dwata tau ke olo ye hbabtays.

Sifanaya 3:7

Yó hendemu, ‘Déke deng wen klikò le do ne ni yó kem dou tau, bè yóm kton le du nim deng nmou ni. Déke deng henmóyô le ne yóm gónów semtódô kul anì là dnohou du yóm ktafaku kul.’ Okóm là, deng mom lenwê le mò du yóm sidek.”

Kmukum 2:19

Okóm ke deng matay yóm tau malak kul yó, bud senfulék yó kem tau Israél yóm sana kul lan ne mom milud he ksideken yóm kul nmò senta yóm kul ksidek nmò yó kem tau gna bélê le. Mom yó lolò le yó kem dumu dwata lennged ne tmaba le ebélê le ne mtud le bukol bè solu le. Là móyô le mkó du yóm sidek gel nmò le ne yóm alì kgel kulu le.

Dwata 9:24

Tódô lenwóten bè yóm hol kbut kdilóu kuy yóm ksonol ye ke Dwata.

Dwata 4:16

anì là gemsalà ye bè Dwata ke lan ye mò yó kem dwata lennged balù kihu kayen, logi duhen ke libun,

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Tekang Kbuten 6:12

Laen dù tau ton Dwata talak tonok ke nô bè nawahen yóm hyu. Tódô kdê le gotu mò sidek.

Kul Nmò 2:40

Tey dê he dumu tulón Pitér kul, ya tey kmonen du mò kul, monen, “Hol ye eles temgama anì laen dù kuy du yóm angat ktafak Dwata kul yó kem tau là hdon le.”

Lista 23:21

Yó kem tau Israél, deng eles tonu yóm angat tey kehyuhen yóm kul klowil elem hulin kdaw ne laen dù sidek angat glumfak le. Tendo seflós nô bélê le yóm sana Dwata hol kul gónó mogot. Ne deng gel heglalag le se kul, Dwata yóm geta bélê le.

Dwata 4:25

Baluen he ke deng legen knô ye ta yóm tonok blay Dwata kuy ne deng dê kem ngà ye ne kem témê ye, hol bê ye abay gemsalà bè Dwata ke lan ye mò yó kem dwata lennged balù kihu kayen. Ke yó nmò ye, tey salà bong bè Dwata ne tey sidek kebuten kuy.

Dwata 32:20

Botong monen, ‘Là bud tnóbóngu kul ne, hnénég gónó le e són. Hono kem tau mgel kulu, tau là gulit.

Kem Udél Hlalak Tehe Selumun 8:8

Tódô kdê yó kem udél btang gu lem baku hono tedeng. Laen kô kéng du duhen ke gónón seblékê.

Isaya 63:8

Yó mon Dwata, “Lu se yó kem dou tau. Là kô na le e snukat dou.” Yó gónó Dwata lemwà kul