Dwata 32:47 - Udél Dwata: Gna Kesfasad ne Lomi Kesfasad

⁴⁷ Nim tolok ni, là kô tolok hkawang du, ni se hol tolok gónó ye mowil. Nimón ye anì legen knô ye tahen yóm tonok móyón nfun ye nô fi fatu Él Jurdan.”

Dwata 32:47 Referans Kwoze

Kem Udél Hlalak Tehe Selumun 4:22

Yakà yó du yóm gónón tahà ktau yóm tau gemtnef du ne gónón hyu klówóhen.

2 Pitér 1:16

Yóm gel tulón me kuy lemwót bè yóm tey kfasang yóm gónó tekuy mogot Jisas Krays ne yóm angat bud kesfuléken edini, là kô lenbù tutul du. Kaem deng hyu ton me se kum yóm tey kehegeta Dwata du.

Kem Udél Hlalak Tehe Selumun 3:22

Yakà lu du gónón lemwót hyu klowilem ne heklóón yóm kóm kmò.

2 Pitér 1:3

Lemwót bè yóm alì kfasang Dwata gónón tódô ket du yóm któbóngen tekuy anì gulit tekuy bè yóm klolò tekuy du. Ne mlan bè yóm deng ketngón tekuy ke Jisas Krays, gónó tekuy gomong béléen bè yóm tey kegetahen ne yóm tey kehyuhen.

Kem Udél Hlalak Tehe Selumun 3:18

Yó gónón tahà ktauhen yóm tau lanen mmu yóm khulung hedem ne tey hyu nawan yóm tau mgen du.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Isaya 45:19

Laen deng udélu ke gebnos, duhen ke deng bnosu yóm atulu. Sundu yó du hmou yó kem tau Israél ke nebel le o bè yóm benwu là hyu menwu du. Ou se yóm Dwata gónó le mogot hono tahu yóm tulónu, gel hetngónu yóm tedeng.”

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

Kul Nmò 7:38

Nim Musis ni, du se nô lem blóng yó kem tau Israél ekni ditu bè yóm benwu laen dù tau menwu du. Tódô nô lem blóng yó kem tehe fù tekuy. Bud du se yóm tehe mógów eta yóm Bulul Sinay, ne wen hógów Dwata gu bè longit mudél ebéléen. Hlan Dwata bè Musis se yó kem hlau blayen tekuy, yóm hlau laen kô dù tul sónen.

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Dwata 4:40

Hol nimón ye yóm kdê kun hlau kuy, duhen yó kem deng toloku kuy kemdaw ni anì hyu kógów klowil ye dalang se yó kem angat semfu gu bélê ye. Hol nimón ye yó kem kun hlau kuy yó anì angat mò hlós knô ye ta yóm tonok blayen kuy yóm sana kuy Dwata hol gónó mogot, yóm tonok hlós nfun ye efet kól bè laen dù tul sónen.” Là gomongen bè nili yóm bérs 41 efet kól bè bérs 49. Tulónen yóm tlu kem benwu htólóng Dwata fi dmata kdaw Él Jurdan mò gónó le e mlo yó kem tau gembonok là lenbù le du. Bud tulónen snéen yóm benwu gónó le kmamfù yó kem tau Israél bè yóm kdaw yó, duhen yóm tehe benwu yó kem tau Amurayt. Yó gónó kem tau Israél gemwa du yóm benwu yó lan le tehe gemmò bè yóm kwit le sgida bè le Sihun ne Ug, hono kem tau hol geta malak yó kem tau Amurayt.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Dwata 33:25

Yó kem benwu le, hol hono bala tók he yóm bak tikeb le anì laen dù gembek husek elemen. Ne tendo menek he yóm kbenwu le.

Amus 5:4

Yó bud udél Dwata ebè yó kem tau Israél, monen, “Semfulék ye ebéléu anì mowil ye.

Dwata 30:16

Ke nimón ye yó kem hlauhen kuy yóm sana kuy Dwata hol gónó mogot, duhen yó kem hlau deng tulónu kuy kemdaw ni ne ke bong nawa ye du ne ke lolò ye yóm kdê hlauhen kuy, hyu klowil ye ne angat ye baling sotu but tau alì genged. Tey angat któbóngen kuy yóm sana kuy Dwata hol gónó mogot ke deng ye kól ta yóm tonok móyón nfun ye.

Dwata 31:13

Hol nmò ye nim ni anì angat gungol yó kem ngà ye là deng mungol du yó kem hlau Dwata ne anì wen klikò le mulé ke Dwata se kul. Hol nmò ye nim ni bè yóm igò ye mowil ta yóm tonok móyón nfun ye nô sentu Él Jurdan.”

Kem Udél Hlalak Tehe Selumun 4:13

Hol negenem ne béem glus yó kem deng hlauhu kóm. Hol nabungem, yakà bè yó du gónón tahà ktauhem.