Dwata 32:46 - Udél Dwata: Gna Kesfasad ne Lomi Kesfasad

⁴⁶ “Hol sù ye lem hendem ye yóm kdê udél Dwata toloku kuy kemdaw ni. Hol gel sensulit ye tmulón du bè yó kem ngà ye anì hol le hteneb mimón du.

Dwata 32:46 Referans Kwoze

1 Tutul Israél 22:19

Duhen ni, hol hewót ye lem but blutut ye yóm kimón ye yóm sana kuy Dwata hol gónó mogot. Nbut ye ne hdà du yóm kun Gónô yóm sana Dwata hol gónó mogot, anì géhél nwit ye elemen yóm Slungan Fasad ne yó kem ngom deng hetfing ye ebéléen. Nwit ye elem yóm Gónô hdà ye mò gónón megdóyón yóm kun boluy Dwata.”

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Kun Snulat Luk 9:44

“Hol bê ye abay klifót nim tulónu kuy ni. Angat blay le elem tdok yó kem tau mogot kukum yóm Ngà Tau.”

Dwata 4:9

Bede hol ye eles temgama. Bè yóm igò ye tolo mowil, hol bê ye abay klifót yóm deng ton mata ye, yóm deng nmò Dwata bélê ye. Hol tulón ye bè yó kem ngà ye ne bè yó kem témê ye

Dwata 4:6

Hol ye hteneb mimón du yó kem kun hlau yó. Ke ni se nmò ye, angat gfan bè yó kem tólóng tau bè dumu benwu yóm tey khulung ye hedem ne khulung ye temnef. Ke gungol le yó kem hlau Dwata ni yó angat mon le, ‘Tey le hulung hedem yó kem tey tau wen yó ne hulung le temnef.’

Dwata 32:45

Timbow deng klingón Musis du bè yó kem tau Israél nim lingónen ni koni, yó bud monen mò kul,

Kem Udél Hlalak Tehe Selumun 12:28

Yóm lan tau ebè yóm ktahà ktauhen duhen yóm ktedeng kmò, okóm yóm ksigol kmò lan tau e lem hatay.

Amus 5:4

Yó bud udél Dwata ebè yó kem tau Israél, monen, “Semfulék ye ebéléu anì mowil ye.

Kem Lingón 78:5

Wen hloloen ke tehe Jakub, wen hlau hloloen yó kem tau Israél. Hloloen yó kem fù tekuy anì hol bud tolok le bè yó kem ngà le yóm hlauhen kul yó,