Dwata 32:41 - Udél Dwata: Gna Kesfasad ne Lomi Kesfasad

⁴¹ Néhéku sudengu, yóm sudeng tódô smilà, naw hegfan dé yóm kukum tedeng. Bnelesu lu yó kem hohonu, ne tnafaku yó kem kmutó nawa dou.

Dwata 32:41 Referans Kwoze

Isaya 27:1

Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

Kem Lingón 7:12

Ke là hegselen yóm tau, yó nmò Dwata, eles gel néhéken sudengen, eles gel bentulen bohohen.

2 Timuti 3:4

Gel natul le kem dumu le, tódô fà le knawa le, tey le alì hegmón. Són nô bè nawa le yóm kenbeyen le, là buden nô bè nawa le Dwata.

Sulat Pol Ebè Yó Kem Tau Hemtahu Bè Rom 8:7

Yóm tau són ktesen kun knóyô, hnohonen Dwata, abay se là kô nimónen du yóm kun hlau Dwata. Bè ktahuhen, là kô gbeken mimón du.

Sulat Pol Ebè Yó Kem Tau Hemtahu Bè Rom 1:30

ne tey gel sidek kestulón le kem dumu le. Tey knutó nawa le Dwata, ne tódô gel nfà le kem dumu le. Tey kehton le salù. Hono kem tau heklabak. Sónmò le matul kmò le sidek. Sotuhen, là dog nimón le yó kem tuha le.

Mark 1:2

Yó buten nim Tulón Hyu ni, duhen yóm tehe snulat Isaya ekni, yóm sotu tehe gna tugod Dwata, yó monen, “Yó udél Dwata ebè yóm Ngaen, monen, ‘Wen hógówu tukô gna kóm mò eles hemgifat yóm angat lanem.’

Sifanaya 2:12

Yó udél Dwata, monen, “Dalang se kuy, kem tau bè Ityupya, angat gotu hfatayu yu bè sudengu.”

Isaya 59:18

Bè yóm kbelesen kul, tódô tnafaken yó kem hohonen lemwót bè yó kem sidek tehe gel nmò le. Baluen he ke nô le bè benwu mayuk, sana ktafaken kul.

Isaya 1:24

Duhen yó, hol hnungol ye yóm udél yóm Dwata hol gónó mogot yóm Dwata laen dù là gbeken du, yóm Dwata kem tau Israél yóm alì mfasang. Yó monen, “Angat bnelesu yu, yu kem tau deng hmohon do ne là bud gehlala ye do ne.

Dwata 32:35

Bneles Dwata lu ne tnafaken lu. Móyón kól ne yóm kdaw le btang ne deng moni ne yóm kdaw le meglà.

Dwata 5:9

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Kehewà 20:5

Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Lista 10:35

Kesok bang le gel hewót du yóm Slungan Fasad tukô gna kul yó, yó gel udél Musis, monen, “Yó ne, Dwata, tukói gna kum. Gotu senklahem lu yó kem hohonem, gotu hlóyem lu yó kem tau kmutó nawa kóm.”

Kem Lingón 31:23

Yu kem tau gel mò du yóm kun kóyô Dwata, hol kenbong nawa ye Dwata. Sal gel nofinen yó kem tau teneb lemolò du. Okóm yó kem tau heklabak, tey sidek ktafaken kul.

Nahum 1:2

Yóm sana Dwata hol gónó mogot, tey mélés nawahen ke tólóng dwata lolò yó kem tau. Gel bnelesen yó kem tau kembê du. Lemwót bè kebuten kul, gotu genlaen lu.

Dwata 7:10

Okóm là kô gbeken du ke là géhél tnafaken kul yó kem tau kmutó nawa du.

Kem Lingón 7:13

Deng eles hentifesen yó kem suk hatayen tau, ne yóm hanak mofi deng eles hetomen.

Kem Lingón 149:9

anì tafak le kul yóm tafak deng mon Dwata bè sulaten. Ni se mò gónó le megdóyón yó kem tau là monol nawa le bè Dwata. Hol dóyón tekuy Dwata.