Dwata 32:40 - Udél Dwata: Gna Kesfasad ne Lomi Kesfasad

⁴⁰ Ou se yóm hol tahu Dwata là matayen. Hdau eta hólólu mò ilô yóm angat kehdohou du yóm angat nmou.

Dwata 32:40 Referans Kwoze

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Kehewà 6:8

Angat nwitu yu ebè yóm benwu tehe fasadu ke Abraham ne Isak ne Jakub. Blayu kuy yóm benwu yó mò hol kuy nfun. Ou se yóm sana Dwata hol gónó mogot mon du nim ni.’ ”

Deng Hegfan 4:9

Tey kdóyón le du yóm myón kmamal yó. Ya tey kehegeta le du, ne tey kadat le du, yakà du se yóm laen dù sónen yóm kun klowil. Bè yóm igò le dmóyón du,

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Tekang Kbuten 21:33

Ominen wen sotu koyu boluyen tamaris hulu Abraham bè yó bè Birsiba ne tmaba ebè Dwata bè yó, yóm Dwata laen dù tul sónen.

Lista 14:21

Okóm ni eles tulónu kóm ne là kóen na a bud mulék elem baku nim monu ni. Tahu se yóm klaen dù sónen yóm klowilu ne bud tahu se yóm tendo kegfanen bè klamangen benwu yóm tey kegetahu.

Kem Lingón 144:8

Hono kéng btang bè sumóng le. Igò le se smafà anì tulón le yóm ktahuhen, okóm kéng le.

Kem Lingón 144:11

Hol kenlungem o bè bak suk. Lenwaem o lem hólól yó kem hohonu. Hono kéng btang bè sumung le. Igò le se smafà ani tulón le yóm ktahuhen, okóm kéng le.

2 Samwél 22:47

Mowil Dwata. Dóyónu yóm gónóhu heklung alì mbegel. Hegetahu yóm dou Dwata, yóm Dwata mbegel lemwà dou.

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”