Dwata 32:39 - Udél Dwata: Gna Kesfasad ne Lomi Kesfasad

³⁹ Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Dwata 32:39 Referans Kwoze

1 Samwél 2:6

Dwata se gónón lemwót yóm hatay ne bud du se gónón lemwót yóm klowil. Wen se tau hógówen ebè benwu yó kem deng matay ne wen se tau bud hlowilen.

Husiya 6:1

Yó udél yó kem tau Israél, mon le, “Géhél ye ne, bud tekuy semfulék ebè yóm sana kut Dwata hol gónó mogot. Tehe hendesen tekuy, okóm angat bud bnulungen tekuy. Tehe hnalien tekuy, okóm angat bud bnausen yó kem halì tekuy.

Job 5:18

Yóm Dwata ke hnalien uu, bud du se mulung du béléem. Ke kun tdok hemsidek kóm bud kun tdok se hkó du.

Isaya 45:5

Ou se yóm Dwata hol gónó mogot. Laen kô dù dumu Dwata, són o. Béléu angat gónón lemwót yóm kgisem, balù yóm là ketngónem do.

Isaya 45:22

Beklil ye ebéléu dé anì lenwau yu, yu kem tau bè klamangen benwu. Tek són ou yóm Dwata, laen dù dumuhen.

Isaya 43:13

Ou se yóm Dwata, laen dù sónen yóm keDwatahu. Laen dù tau gembek gewà lem kfasangu. Ne laen se dù gembek temles du yóm dou nmò.”

Isaya 46:4

Ou se yóm kuy Dwata ne angat tendo bud gel sen-gyoku yu efet kól bè ktuha ye ne deng kubón ye. Ou se tehe mò kuy ne tendo gel sen-gyoku yu. Tendo gel tnóbóngu yu ne angat lenwau yu.”

Isaya 45:18

Yóm Dwata gónó tekuy mogot, du se dmimun yó kem longit seglafin. Tek sónen du yóm hol Dwata. Bud du se mò yóm tonok ne tey mbegel yóm kmoen du, là kóen mahil sidek. Yóm benwu nmoen yó, là kô henbalingen du benwu là hyu menwu du, okóm henbalingen benwu alì hyu menwu du. Du se yóm gel mon du, “Ou se yóm hol gónó mogot. Laen kô dù dumu dwata, són o.

Kem Lingón 68:20

Yóm kut Dwata, du se yóm Dwata gel lemwà tekuy. Du se yóm Dwata hol gónó tekuy mogot gel lemwà tekuy gu lem hatay.

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

2 Bok Kem Tau Hol Geta 5:7

Tikóng senfala yóm tau hol geta bè Israél yóm sulat yó, botong kenséen nesen lemwót bè alì sidek kegnómen du, yó udélen, monen, “Tum nahen hemwit udél ebéléu yóm tau hol geta ni anì hkóhu des mifù nim tau ni? Ilóem Dwatahe kô, wen kfasangu hlowil tau duhen ke hmatay tau? Là hyuhen nim nmoen ni, tô mebel lan anì wen gónó me seglius.”

Kem Lingón 102:27

Okóm kóm, sana uu, laen kô dù nam e són.

Deng Hegfan 2:8

“Budi smulat do ebè yóm fen gel malak yó kem tau hemtahu bè Smirna, monem mò du, ni se udél yóm hol buten ne hol sónen, yóm deng tehe matay, okóm deng bud mowil.” Yó monen,

Mika 5:8

Yó kem dù mowil bè yó kem tau Israél menwu lem blóng yó kem tólóng benwu tey kekgis le, lómón kgis yóm liyun senta yó kem dumu ógóf nô lem dlag, tódô sut bè yóm gónó le mótób yó kem ubiha tódô kemfô bélê le, ominen msék kul ne laen kô dù gembek semkot du béléen.

Kun Snulat Jan 8:24

Yó gónóhu mon du mò kuy, sana tolo kbô ye du he salà ye ke sok ye matay. Ne tahu se yó, ke là hentahu ye du yóm deng tulónu kuy bè dou ktau, sana tolo kbô ye du he yóm salà ye bè yóm katay ye.”

Hibru 1:12

Angat tódô lenfiem, ne tlesem du yóm lomi. Okóm yó dum kóm, là kóen megetles, ne laen kô nam e són.”

Deng Hegfan 1:11

Yó utóm tum udélen, monen, “Gotu snulatem yóm angat tonem, ne gotu hwitem ebè yó kem tau hemtahu bè yó kem hitu syudad nii: bè Ifisus ne ebè Smirna, ne ebè Pirgamum ne ebè Tiyatira, ebè Sardis ne ebè Filadélfya, ne ebè Ludisya.”

Kehewà 4:7

Omin Dwata bud mon du, “Bud hulékem elem kgalem henmuem.” Tahu se, bud nmò Musis. Timbow bud kóhen, lómón ke laen dù hemenen, tódô bud mulék bè yóm sana kun kmò.

Kehewà 15:26

Yó monen mò kul, “Ke hol nimón ye o ne ke tedeng ktonu du yóm gel nmò ye ne ke nimón ye yó kem hlauhu kuy, là kô naw e tafak du kuy yóm des tehe tafaku yó kem tau Idyip. Ou se Dwata, yóm gel hkó des ye.”

Dwata 32:12

Tek són Dwata se tehe gel malak kul, laen kô dù dumu dwata fen tmóbóng kul.

Kem Lingón 18:31

Laen kô dù dumu Dwata, són yóm Dwata hol gónó mogot. Laen dù dumu botu gónó heklung, són yóm kut Dwata.

Kem Lingón 51:8

Bud hulékem ebéléu dé yóm dou kligal. Lómó kegnómu du ni, lómón ke deng lenunahem ou, ne lómón ke denge mesfu. Bede tngónu gbekem bud hulék du ebéléu yóm kligalu.

Kem Lingón 86:10

Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.

Isaya 19:22

Tahu se, angat tnafak Dwata yó kem tau Idyip, okóm kogolen bè yó bud tnóbóngen lu. Ne beklil le ebè Dwata ne hnungol Dwata se yó kem hni le ne tnóbóngen lu.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”

Isaya 43:10

Okóm kuy, kem tau Israél, yu se mò tmanud dou. Deng néléku yu mò dou tóbóng lówó. Yó gónóhu mò du yóm yó anì tngón ye o ne hentahu ye o ne gtukul ye tek sónen ou yóm Dwata. Lemwót bè hol kbuten són ou se yóm Dwata laen kô dù tul sónen,

Isikél 37:3

Omin Dwata smólók do, monen, “Ó Tau Tonok, gbek le bud baling tau kô ni kem tiol nii?” Bnalau se, monu, “Ó Dwata, yóm hol dandónen geta, tek són uu temngón du balaen yóm snólókem yó.”

Isikél 37:12

Duhen ni, hol tulónem kul yóm udél lemwót bè yóm sana Dwata hol dandónen geta, yó monen, Ó kem dou tau, lemwót bè yóm deng kegef le kuy, lómón ke deng ye lebeng. Okóm angat bud nokolu yu ne bud hlowilu yu, ominu bud mit kuy semfulék ebè benwu Israél.

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.

2 Bok Kem Tau Hol Geta 20:5

“Budi semfulék ebè Hisikaya, yóm tau malak yó kem dou tau. Tulónem du, ‘Ni se udél Dwata ebéléem yóm Dwata tehe fuem Dabid. Deng gungolu yóm hnihem, ne deng tonu yóm lewokem. Hkóhu yóm desem. Tlu ni angati btik ne budi mógów ebè Gónô Dwata.

Nihimaya 9:6

Omin le gotu mni bè Dwata yóm kdéen tau Israél, mon le, “Tek són uu Dwata, yóm Dwata hol gónó mogot, tek sotuhem. Uu se mò du yóm longit ne yó kem blotiken. Uu se mò du yóm tonok ne yóm kdê nô tahen. Ne bud uu se mò du yóm mohin ne kdê yó kem nô lemen. Uu se hlowil kul yóm kdéen. Ne kdê yó kem hógów Dwata nô bè longit, gotu le heglaan béléem ne dóyón le uu.

Kem Lingón 102:28

Yó kem ngà yó kem tauhem, laen dù hemen le. Yó kem lugod le, angat tey kbegel le bè soluhem.”

Kehedem Tau Tmolok 3:3

Wen se kdaw hmatay ne wen se kdaw hkó des. Wen se kdaw gembà ne wen se kdaw bud hemdà.

Isaya 43:12

Deng eles tulónu gna yóm angat sut bélê ye. Bè yóm ksuten bélê ye, bud ou snéen tmóbóng kuy. Laen dù dumu dwata gembek mò du yóm ni. Yu se gemtanud du yóm deng nmou ni.

Husiya 5:14

Angat gotu nmou bè yó kem tau Israél ne yó kem tau bè Juda yóm gel nmò liyun. Ou se tódô msék kul. Sok dyolu lu mayuk, laen kô gembek lemwà kul.