Dwata 32:36 - Udél Dwata: Gna Kesfasad ne Lomi Kesfasad

³⁶ Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Dwata 32:36 Referans Kwoze

Kem Lingón 135:14

Abay se angat nfi Dwata yó kem kun tau, ne tey kkoduhen kul, yakà lu du yó kem tóbóng lówóhen.

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

2 Bok Kem Tau Hol Geta 14:26

“Deng ton Dwata yóm alì khéét keglayam yó kem tau menwu bè Israél, ne laen kô dù tau tmóbóng kul.

1 Bok Kem Tau Hol Geta 14:10

Lemwót bè yóm deng kkogolem do, angat wen heglumfaku yó kem fes lówóhem, ne angat hnatayu yóm kdéen ngà logi bè kdê fes lówóhem, hesek duhen ke là heseken. Angat gotu ntemu yó kem semfu gu béléem tô mogot benwu, hol lómón ke bnes ktemu kul, ngangu mò du efet laen dù bud tebel.

Kmukum 2:18

Ke gel wen tau kmukum sù Dwata lem blóng le, tendo eles nô béléen Dwata yóm tau yó, ne klawihen mowil sal gel lenwà Dwata yó kem tau Israél lem tdok yó kem hohon le. Yakà tey kkodu Dwata kul yó kem tauhen bè yóm tey kehegnok le kul yó kem hohon le ne bè yóm tey kehlayam le kul.

Hibru 10:30

Yakà deng tngón tekuy du se yóm Dwata tehe mon du, “Ou se yóm fen gel meles. Ou se fen gel malà.” Ne bud monen, “Knukum yóm gónó tekuy mogot yó kem kun tau.”Ke Dwata fen tmafak tekuy, yóm Dwata laen dù tul katayen, yó se yóm tafak alì knikò.

Amus 7:6

Tahu se, là hendohò Dwata du, monen, “Là dohoen snéen yóm deng tonem yó,” udél yóm Dwata hol dandónen geta.

Amus 7:3

Tahu se, là hdohò Dwata du, monen, “Là dohoen yóm deng tonem yó.”

Juwél 2:14

Ke semfulék ye ebéléen, déke là hendohoen du yóm tô nmoen bélê ye ne mom bud tnóbóngen yu, hwenen tbas ye ne tifas grép ye anì wen bud blay ye ebéléen yóm sana kuy Dwata hol gónó mogot.

Jirimaya 31:20

Yó bud udél Dwata, monen, “Ó Israél, uu se yóm ngà kenbong nawahu yóm hol gónón nô nawahu. Là gbeku du ke là tehe tnafaku kóm, okóm là kô kó nawahu kóm. Són uu yóm tendo nô bè nawahu ne tey kkoduhu kóm.

Kem Lingón 96:13

sok kól Dwata mò kmamal yóm klamangen. Angat tey tedeng yóm kkamalen kdéen tau, laen kô dù mtukul nfihen.

Kem Lingón 90:13

Kilón de kkóhen yóm kebutem kum? Hol knoduhem mi sen, Dwata, kem tau tóbóng lówóhem.

Kem Lingón 50:4

Tinoken longit ne tonok mò temksì du yóm kkukumen yó kem kun tau.

Kem Lingón 7:8

Gotu knukum Dwata yóm kdéen tau. Knukumem se ou, Dwata, hlanem bè yóm tedeng tonem béléu, yakà uu se yóm Dwata hol dandónen geta, deng tngónem yóm klaen dù salà deng nmou.

1 Bok Kem Tau Hol Geta 21:21

Duhen ni, yó mon Dwata mò kóm, ngem, angat wen heglumfaku kóm, sulék himotu yu. Gotu hnatayu yó kem logi bè yó kem sfuhem, hesek duhen là heseken.

Jirimaya 20:11

Okóm yóm Dwata, tendo nô klohoku lómón ke sendalù lóbô. Là kô le gemmò béléen yó kem hohonu. Là kô le gemmò béléu. Angat tey sidek kyak le, abay se là gfuhen yó kem tô atul le etahu. Ne là kô klifót kem dumu tau du yóm tey kyak le yó.

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Jirimaya 42:10

‘Tódô ye henek bè nim benwu ni. Ke ni se nmò ye bud hdau yu, là kô naw e bud hebtang kuy. Lómón ke bud huluhu yu ne là kô naw e bud kendut kuy. Là gbeku du ke là tnafaku kuy lemwót bè yóm là kimón ye. Bede bud sidek kegnómu du bè yóm alì keglayam ye.

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

Juwél 2:18

Ne yó bud hendem Dwata yóm tonoken ne yóm bud kkoduhen yó kem tauhen.