Dwata 32:34 - Udél Dwata: Gna Kesfasad ne Lomi Kesfasad

³⁴ Là kô klifót Dwata du yóm deng nmò le bè yó kem tau Israél yó kem hohon le. Són nangaten yóm bantang kdawen tmafak kul.

Dwata 32:34 Referans Kwoze

Husiya 13:12

Deng gotu hsulatu yóm kdéen salà ye ne deng henyu le.

Job 14:17

Angat tódô gotu hnifótem lu ne là bud hendemem du ne. Angat gotu tnibengem kdéen sidek deng nmou.

Sulat Pol Ebè Yó Kem Tau Hemtahu Bè Rom 2:5

Okóm balù udì ke dogi hegsel, deng mom hgelem kuluhem. Yóm nmoem yó, deng mom eles hlinokem yóm gónó Dwata angat tmafak kóm bè yóm kdaw kehegfanen yóm kukum tedeng nogoten, ne yóm tey kebuten yó kem sidek gel nmò tau.

Jirimaya 2:22

Baluen he ke smabun ye yóm sabun alì lóbô, là kô ye na a baling mólós. Sana tolo ktonu du bélê ye he yóm lekes salà ye. Ou se yóm Dwata hol dandónen geta nim mudél ni.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Dwata 32:33

Mkél le bè yóm tifas wen alas ulal nô lemen.

Jirimaya 32:10

Bè yóm deng keblihu du femahu yóm klatas, ominen wen dketu du lem blóng yó kem gemtanud du. Tnimbangu yóm blówón bukay blihu du, ominu mayad du.