Dwata 32:32 - Udél Dwata: Gna Kesfasad ne Lomi Kesfasad

³² Yó kem hohon tekuy yó, tey sidek nmò le, mkél le bè yó kem tau tehe nô bè Sodom ne Gumura. Ke hningónu lu, hol le mkél bè yóm grép alì héét gónó milu.

Dwata 32:32 Referans Kwoze

Isaya 1:10

Ó Jirusalim, yó kem tau mogot kóm ne yó kem tauhem deng le mkél bè kul alì ksidek nmò yó kem tau tehe menwu bè Sodom ne Gomora. Hol hnungol ye dé yóm kdê ye yóm udél Dwata ebélê ye. Hol kenmón ye dé yóm hdalangen kuy.

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Isaya 5:4

Wen kô là nmou du bè yó kem huluhu? Laen duen. Ke deng gotu nmou kdéen, moen de ke alì msom bunguhen? Yó hol hendónu bélê le dé ke hol mnóm. Là yóm ni.

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Matyu 11:24

Tódô tulónu kuy ktahuhen, sok kól yóm kdaw angat kkukum Dwata tau, botong kéng he yóm ktafaken yó kem tau bè Sodom yóm angat ktafaken kuy.”

Dwata 32:33

Mkél le bè yóm tifas wen alas ulal nô lemen.

Job 14:17

Angat tódô gotu hnifótem lu ne là bud hendemem du ne. Angat gotu tnibengem kdéen sidek deng nmou.

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”