Dwata 32:27 - Udél Dwata: Gna Kesfasad ne Lomi Kesfasad

²⁷ Okóm là kóe móyô ke salù yó kem hohon le yóm kegmò le bè yó kem dou tau, igoen ou yóm gemlà kul.’

Dwata 32:27 Referans Kwoze

Kem Lingón 140:8

Hol béem bayà ou bè yó kem tau gel wen óyô le mò sidek. Hensengem, Dwata, anì là gfuhen yó kem sidek atul le.

1 Samwél 12:22

Yóm Dwata, là kô nan e tódô bayà kul yó kem kun tau deng nélék. Ke bayaen lu henyaken yóm kun boluy. Tey kehyu nawahen bè yóm kehbalingen kuy mò kun tau.

Juswa 7:9

Ke deng gotu glalag bè kem tau Kanan ne bè yó kem dumu tau bè klamangen benwu nim gfà me ni, angat gotu snibut le mi ne angat gotu hnatay le mi yóm kdê me. Ke yó se nmò le bélê me yó kem hohon me, tedu se tô kmoem du du anì là lanahen yóm klikò le kóm?”

Kehewà 32:12

Kmoen se ke mon yó kem tau Idyip, yó gónóhem mit kul hewà gu bè Idyip yó kem tauhem anì nam e hnatay lu lem bulul ne anì gotu sulék genlaem lu? Tongem yó ne lembut, tenlesem hendemem, béem tô hegfà yó kem tauhem yóm gfà monem yó.

Jirimaya 19:4

Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.

Isaya 37:35

Ou se mofin du yóm syudad ni, ou se mentey du. Yó gónóhu mò du yóm ni mò gónón là lana boluyu, yakà wen yóm tehe fasadu ke Dabid yóm tehe tóbóng lówóhu.”

Isaya 37:10

yóm tau hol geta bè Juda. Yó udélen lem sulat, monen, “Deng monen mò kóm yóm Dwata snaligem, là kói btang kun elem tdoku. Hol béi abay gsukat bè yóm udélen yó.

Dwata 9:28

Ke genlaem lu, ngem kà mon le du yó kem tau Idyip, là gbek Dwata mit kul ebè yóm tonok deng fasaden kul yó kem kun tau. Duhen ke mon le, yó gónó Dwata mit kul ebè yóm benwu laen hol wen tauhen yó kem kun tau anì gotu hnatayen lu bè yó abay se tey kutó nawahen kul.

Kem Lingón 140:9

Hol tles heglaem yó kem hohonu bè yóm sidek deng atul le etahu.

Danyél 4:27

Ó Nibukadnisar, ke yó dum hyu béléem, hol hnungolem ou. Hol tenflokem ne yóm kmoem sidek, tlesem du yóm nmò hyu. Knogolem ne yó kem salà gel nmoem, tlesem du yóm koduhem yó kem tau élél. Ke yó nmoem, déke hlós yóm kehyu klowilem.”