Dwata 32:24 - Udél Dwata: Gna Kesfasad ne Lomi Kesfasad

²⁴ Angat le matay bè kenus le ne bè alì sidek kkinì le ne matay le bè yó kem des mekto. Hemwite ebélê le ógóf lóbô mò msék kul ne ulal malas mò mékét kul.

Dwata 32:24 Referans Kwoze

Hbakuk 3:5

Eles wen des hógówen tukô gna du ne eles hógówen huli du hatay.

Amus 9:3

Baluen he ke hebnos le te tfusù Bulul Karmél, olo ke là angat hnebelu kul ne kenfóu lu. Baluen he ke hebnos le ditu tlaan bè sokol mohin, olo ke là angat dóku yóm ulal bong lem mohin mò mékét kul.

Jirimaya 15:3

Ou se Dwata deng eles matul du yóm fat angat heglumfaku bélê le ni kem tau ni. Wen sudeng angat gónó le matay. Wen ohu fen demyol lówó le mò msék kul. Wen kem onuk koyu mken matay tmukô lówó le. Ne kem ógóf lem bnes fen bud hmotu kul.

Jirimaya 14:18

Ke mógówe ebè yó kem tonok gónóhu mò hulu, tódô tonu yó kem lówó tau deng hnatay yó kem hohon le. Ke mógówe ebè yó kem syudad, tódô tonu yó kem tau deng matay lemnus. Ne yó kem tau gel tmugod lem blóng le ne yó kem tau gel blóng ebè Dwata, tódô henlel le mò du yóm nmò le, okóm là kô tngón le du yóm nmò le yó.”

Isaya 65:25

Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”

Kem Lingón 120:4

Yó angat tafaken kuy, duhen yóm hanak sendalù alì telem, ne yóm bala ofi kemyóngón.

Kem Lingón 91:6

duhen ke wen des gónó mahil gbót tódô sut kifu, dalang se ke wen sidek mit hatay sut kemdaw, béem knikò lu.

Dwata 28:53

Bè yóm angat keslibut le du yó kem syudad ye angat tey keslaf ye mebel ken, okóm laen kô dù ken ton ye. Balù kem ngà ye, yó kem ngà deng blay Dwata kuy, botong glef ye mken kul bè yóm kdaw yó.

Dwata 28:22

Angat wen tey des sidek mahil gónó gbót hwiten ebélê ye, mung du yóm des bnolok ne des kinì. Ne bud heglumfaken kuy snéen yóm tey ékét kinì kdaw ne yóm tey lenos kinì mò hemsidek yó kem hulu ye. Ni kem heglumfak Dwata kuy ni, ngangen mò kuy efet ye gotu matay.

Tekang Kbuten 49:15

Ke deng tonen yóm tey kehyuhen yóm gónón hegnô, ne yóm alì ktilob tebas yóm tonoken, balù nô kgelen yóm nmoen tódô senflósen mò du, hol lómón kmoen nmò yóm tau hesek.

Tekang Kbuten 3:14

Ne yó mon Dwata ebè yóm ulal, monen, “Bè nim nmoem ni, wen tafaku kóm. Bè kdê yó kem mowil talak tonok, tek són uu gembô du nim tafak ni. Lemwót bè nim kdaw ni, tódô sónmoem mulu se kóm ne gemken kfung bè yóm klawihem mowil.

Dwata 28:48

Ne yó gónóm mon, angat ye nô lem hólól yó kem hohon hwit Dwata ebélê ye. Laen kô dù bud ken ye ne laen kô dù bud ninum ye ne laen se dù bud nes ye. Angat lus Dwata yó kem hohon ye mò hemsidek kuy efet ye gotu meglà.