Dwata 32:23 - Udél Dwata: Gna Kesfasad ne Lomi Kesfasad

²³ Tendo setgafit hlayam hwitu ebélê le. Gotu gtiu kul yóm kdê hanaku.

Dwata 32:23 Referans Kwoze

Dwata 28:15

Okóm ke là nimón ye ke Dwata yóm sana kuy Dwata hol gónó mogot, ne ke là hteneb ye mimón du yóm kdê hlauhen tulónu kuy kemdaw ni, ngem kà angat glumfak ye du yóm tafak Dwata kuy.

Isaya 26:15

Deng tey kehlamangem du yóm benwu me, Dwata, deng gotu lenbétem gu hilol kililen. Bè ni se hol gónóhem megdóyón.

Dwata 32:42

Angat moyos bè hanaku litô le. Ne angat le matay bè sudengu yó kem tau kembê dou. Laen dù hlowilu bè yó kem tau semfatay do. Balù yó kem tau olon hnalì ne yó kem tau negef angat le tódô gotu matay.’

2 Samwél 22:15

Gtien yó kem hohonen yóm tey kal silà, ne gotu le sekla mlóy.

Kem Lingón 18:14

Gentien yó kem hohonen, ne gotu le sekla. Ya tey kehsilaen du, botong le mlóy.

Kem Lingón 45:5

Tey telem yó kem hanakem, botong metlool kfu yó kem hohonem. Gotu le masà bè soluhem yó kem tau bè yó kem tólóng benwu.

2 Bok Kem Tau Hol Geta 22:17

Lemwót bè yóm deng ktebel le do yó kem tauhu, ne deng le tmaba ebè yó kem tólóng dwata lennged, kem dwata nmò tdok le, yó se gónóhu alì lembut kul. Lenbutu nim benwu ni, ne là kóen teflok yóm kebutu du.’

Kem Lingón 7:14

Yó kem tau mò sidek, deng eles natul le yóm sidek nmò le. Natul le yóm kmò kesbeweg le tau, ne són smukat nmò le.