Biblia Todo Logo
Bib sou entènèt

- Piblisite -




Dwata 32:22 - Udél Dwata: Gna Kesfasad ne Lomi Kesfasad

22 Yóm kebutu kul ni hol lómón ke mkal ofi, tódô gotu kenen yó kem kentihen nô talak tonok efet kól ditu tlaan bè benwu yó kem tau deng matay. Gomong kenen yó kem but bulul laan tonok.

Gade chapit la Kopi




Dwata 32:22
42 Referans Kwoze  

Hegefu kul yó kem dou tau anì nwit le lu ebè yóm benwu là deng hnikót kul tngón du, abay se yóm kebutu kul hol lómón ke mkal dilóf ofi gotu kenen kdéen.”


Duhen yó, yó bud udél Dwata, monen, “Yó gónóm mon kem dou tau, nangat ye yóm kdawu mdà bè gónô skukum naw e klamo yó kem tau mò sidek bè ket benwu. Yó deng atulu, angat gotu sentifunu lu yóm kdéen benwu talak tonok, anì sulék koku ebélê le yóm sidek kebutu kul. Yóm kebutu kul yó, hol lómón ke ofi angat sulék kenen yóm klamangen.”


Yó kem bulul gónón mlan yó, gotu le mnò laan tihen hol lómón ke tolu mnò lem ofi ne tódô molo ebè datal lómón ke él molo gu lem bulul.


abay se tey kbong nawahem dou. Deng lenwaem ou gu lem hatay.


Omin Dwata hesut yóm tey dilóf ofi ne gotu sulék kenen yóm lewu latu limu folò tau mit insinsu yó koni.


abay se yóm Dwata tekuy, ke wen tnafaken, hol lómón ke mken yóm tey ofi.


Ne wen tey dilóf ofi mung du snéen mò tafaken yó kem tau kembê ke Dwata, ne là mimón du yóm Tulón Hyu gbak ebè yóm gónó tekuy mogot Jisas.


Ya nim yu kem tau knawa ulal, hono ye semfu gu bè yó kem tau knawa ulal. Tedu kmò kegewà ye lemen du yóm deng kgolu ye elem lanaw ofi?


Ke sotu matahem mit kóm là hemtahu, tódô lensitem, ne tudaem. Mom hyu béléem he ke lana sotu matahem syan ke gutahem yóm klowil laen dù sónen. Laen kô dù ofolem du yóm klewu matahem ke deng mom tudà le uu elem lanaw ofi.”


Bê ye abay likò bè tau. Gbek le hmatay lówó ye, okóm yóm lóyóf ye, là kô gbek le hmatay du. Dwata dé hol tahu knikò ye, abay se gbeken hmatay lówó ye, ne gbeken se tmudà lóyóf ye elem lanaw ofi.


Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.


Ni se udél yóm sana Dwata hol dandónen geta, yó monen, Tey sidek kebutu kul yó kem benwu hmilol kuy, hol néen yóm benwu Idom. Yóm kebutu kul, hol lómón ke ofi gotu kenen kdéen, abay se deng tódô hton le yóm là kadat le do bè yóm deng kled le yóm dou tonok ne tey kehligal le bè yóm kled le du.


Kó ye yóm sidek nô lem hendem ye ne yóm sidek nô lem but blutut ye. Ke là nmò ye du yóm yó, yóm kebutu kuy hol lómón ke mkal yóm tey dilóf ofi là gbek tau hmatay du, gotu kenen yu lemwót bè yó kem salà ye.” Là gomongen bè nili yóm bérs 5 kól bè bérs 31. Yó tulónen bè ni kem bérs ni yóm angat kgida yóm sotu benwu bong yóm benwu Israél. Nim benwu bong ni, tey mfasang ne mbegel kem tauhen, benwu nô fi bwak yóm benwu Israél. Bè yóm angat kgida le bè Israél, gotu genbà le yóm benwu le ne gotu negef le yó kem tauhen. Ya tey sidek kegnóm Jirimaya du yóm igoen tmulón du kul yóm angat gfà le yó lemwót bè yóm là kimón le ke Dwata. Là gomongen bè nili yóm tsaptér 5. Yó tulónen bè nim tsaptér ni yóm kdók Jirimaya yó kem tau anì mebel le bè klamang yóm syudad Jirusalim ke wen sotu tau ton le tau gulit ne teneb bè Dwata ne ndaen yóm ktahuhen. Mon Jirimaya ke wen sotu tau ton le, gbek Dwata hmifót salà yó kem tau lem syudad Jirusalim. Okóm balù sotu ke wen ton le. Yó gónóm mon, là gselem ke Dwata ke tnafaken yó kem tauhen. Yó angat nmò Dwata, wen tey gida bong hwiten elem benwu le mò gemlà kul lemwót bè yóm là kimón le.


Anien ke gotu stunal yó kem bulul, okóm yóm kbong nawahu kuy, laen kô dù sónen. Ne laen dù sónen snéen yóm kenek nawa ye, yó se yóm fasadu kuy.” Ni se udél Dwata, yóm alì kembong nawa kuy.


Hennasem longit, Dwata, ne mnauli elaan, tendólem yó kem bulul anì semfut kebel le.


Wen tey ofi nô bè soluhen, gotu kenen yó kem hohonen.


Lómón yóm ofi mken lem dlag, ne lómón ke kutu ofi lemtom gu lem bulul,


Duhen yó, hol bê tekuy abay hlikò, anien ke sut linol bong megsinsig klamangen benwu, ne ke gotu stunal elem mohin yó kem bulul.


Bè yóm ksutem na a gemlà kul, lómón kmoem kul yóm tey ofi bong. Gotu kenem lu lemwót bè alì kebutem kul.


Tódô le gotu geblos etlaan igò le tolo mowil, elem benwu yó kem tau deng matay, gomong yó kem kimu le. Ominen bud stikom se yóm tonok ne tódô le gotu lana yóm kdê le.


Ominen wen bud htonen dou yóm Dwata hol dandónen geta, tonu deng eles wen ofi hentifesen mò tafaken yó kem tauhen. Yóm ofi yó, deng hektihen sokol mohin ne tolo lelen mken yóm klamang tonok.


Semfulék ye ebè Dwata anì mowil ye. Ke là semfulék ye, hol lómón ke mken ofi kmoen kuy kem tau Israél. Tódô himot hotuhen yó kem tau bè Bétél ne laen kô dù tau tonem mò hmatay du yóm ofi yó.


Bè yóm kdaw alì kebut Dwata kul yó, laen kô dù lanen lemwà kul yó kem blówón bukay le ne yó kem tahu blówón le. Yóm kebut Dwata kul yó hol lómón ke ofi, angat gotu kenen yóm klamang tonok. Angat kendel nmoen són le yóm kdéen tau talak tonok.


Swiv nou:

Piblisite


Piblisite