Dwata 32:18 - Udél Dwata: Gna Kesfasad ne Lomi Kesfasad

¹⁸ Botong klifót le yóm kul Dwata yóm mà le, yóm là monol nawahen ebélê le, yóm deng hlowil kul.

Dwata 32:18 Referans Kwoze

Jirimaya 2:32

Yóm ngà libun, gbeken kô kmifót du yóm ngom blówónen? Ne yóm libun myehen, gbeken kô kmifót du yóm nes mò leseken? Hol mou kun ne ke tô klifót le. Okóm yó kem dou tau deng kem hilu halayen ne yóm keklifót le dou.

Kem Lingón 106:21

Deng klifót le Dwata yóm lemwà kul, yóm deng mò yó kem hentaw ton bè Idyip,

Dwata 32:4

Yóm Dwata gónó tekuy mogot, hol lómón ke du yóm léhék gónó tekuy heklung. Kdê yó kem gel nmoen tódô ket du ne hono tedeng. Là kóen monol nawahen yóm kuy Dwata ne laen kô dù kéngen. Sal gel nmoen yóm tedeng ne là kóen mtukul knihuhen.

Kem Lingón 9:17

Angat le mógów elem hatay yóm kdê tau mò sidek, yó kem tau bè dumu benwu deng kembê ke Dwata.

Dwata 32:15

Yó kem tau Dwata, deng le gotu baling tau mdengen. Okóm deng mom kenbê le Dwata. Gotu le mabù, mo le mom hemnobò lan le alì mken. Deng knogol le Dwata, yóm tehe mifil kul. Kenbê le Dwata, yóm hol gembek lemwà kul.

Dwata 8:19

Hol bê ye abay klifót yóm sana kuy Dwata hol gónó mogot ne bê ye abay beklil ebè yó kem dumu dwata ke tô ye tmaba ebélê le ne ke tô ye mtud bukol bè solu le. Ke ni se nmò ye, eles tulónu kuy kemdaw ni angat ye tódô gotu meglà.

Dwata 8:14

hol bê ye abay hegmón ne bê ye abay klifót yóm sana kuy Dwata hol gónó mogot, yóm deng lemwà kuy gu bè Idyip, bè yóm benwu tehe gónó ye ghesek.

Dwata 8:11

Hol ye eles temgama anì là klifót ye du yóm sana kuy Dwata hol gónó mogot. Bè yó kem hlauhen htugoden do ebélê ye kemdaw ni, hol bê tô là nimón.

Dwata 6:12

hol ye eles temgama anì là klifót ye du yóm Dwata tehe hewà kuy gu bè Idyip, bè yóm benwu gónó ye ghesek.

Jirimaya 3:21

Wen tey mkik gungolu gu ta yó kem bulul geta, kik le hkodu yó kem tau Israél, abay se deng klifót le yóm sana kul Dwata hol gónó mogot ne deng le tey mayuk ne bè kun lan.

1 Samwél 12:9

Okóm yó kem tehe fù ye yó deng mom klifót le yóm sana kul Dwata hol gónó mogot ne yó gónó Dwata hemlus kul elem tdok Sisira, yóm kmandér bè yó kem sendalù Jabin yóm tau hol geta bè benwu Hasor ne bud hlusen lu elem tdok yó kem Flistin ne elem tdok yóm tau hol geta bè Muab.

Kem Lingón 18:2

Dwata se dou botu gónó heklung, gónóhu hofin, ne du se lemwà dou. Dwata se yóm dou botu gónó e mlo. Du se gónów heklung, kun kgis hewà dou, ne du se dou gónó hofin hol mbegel.

Jirimaya 2:31

Ó kem tau Israél, hol hnungol ye nim udélu ebélê ye ni, udél yóm sana kuy Dwata hol gónó mogot. Deng lómó kmou ebélê ye kô lómón ke ou yóm benwu là hyu menwu du hlós wen gónó ye élél du? Lómón ke ou kô yóm benwu alì mget kkifuhen, là ton ye du lan ye? Ke là tahuhen se yó, moen de ke mom mon ye là bud ye gfét béléu ne, ne là bud ye móyô semfulék ebéléu?