Dwata 32:17 - Udél Dwata: Gna Kesfasad ne Lomi Kesfasad

¹⁷ Gel le demsù ebè yó kem tulus seitan, là kô ebè Dwata du, kem dwata là deng hnikót tngón kem fù le du, dwata là deng hnikót nimón kem tau Israél du.

Dwata 32:17 Referans Kwoze

Kmukum 5:8

Bè yóm deng kélék le lomi dwata lennged yó kem tau Israél, yó gónón wen gida sut lem benwu le. Balù sotu klung duhen ke sotu buyus ke tô wen tonem bè yóm fat folò libu kem sendalù Israél.

Dwata 28:64

Angat gotu senkla Dwata yu elem blóng yóm kdê but tau bè klamangen benwu talak tonok. Ne bè yóm knô ye bè yó, angat ye tmaba ebè yó kem dwata kéng nmò le bè koyu ne bè botu, yó kem dwata là deng kuy hnikót tnaba du dalang se yó kem tehe fù ye.

1 Timuti 4:1

Tey mtukul yóm eles kmonen du yóm Tulus Dwata yóm nmò yó kem dumu tau hulin kdaw. Tebel le yóm kul kehtahu, mom yó nimón le yó kem tulus kéng, ne yó kem tolok sekban lemwót bè kem busaw.

Isaya 44:8

Hol bê ye abay hlikò, kem dou tau. Lemwót bè hol gnan kdaw efet yóm kmoen ni, eles gel tulónu kuy yóm angat sut. Deng hónô tngón ye se yóm monu ni ne yu se fen gemtanud du. Wen kô dumu dwata? Wen kô dumu dwata mfasang, yóm là deng tngónu du?”

Dwata 32:21

Deng hélés le nawahu bè yó kem dwata kéng gel tnaba le. Hebut le ou bè yó kem dwata lennged laen mu. Bè nim nmò le ni, gónóhu hélés nawa le mlan bè któbóngu yó kem tólóng but tau. Hebutu lu bè któbóngu yó kem tau là hulung le hedem.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

1 Kurin 8:4

Duhen yó, bè yóm snólók ye ke hyu mken du yóm ken deng dsù bè dwata kéng ke là, ni se balau du. Deng hónô tngón tekuy se là kóen tahu yóm dwata kéng, ne deng tngón tekuy snéen tek sotu se yóm hol tahu Dwata.

Jirimaya 10:15

Laen kô dù mu le, knóón bang kenhisik. Ke sok bangen kól Dwata, gotu genlaen lu.

Kehewà 32:8

Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Amus 5:25

Ó kem tau Israél, bè yóm fat folò halayu mit kuy hlalak lem yóm benwu laen hol wen tauhen, ebéléu kô yóm gónó ye e gel demsù? Là gi.

Dwata 13:8

Okóm hol béi abay gmung béléen ne béem abay hnungol ke wen monen. Béem abay knodu ne béem abay nofin.

Jirimaya 19:4

Yó gónów mò du nim ni, abay se deng tnagak le ou yó kem tau Israél ne deng nmò le yóm alì sidek béléu lem nim benwu ni mlan bè yóm gel kedsù le ebè yó kem dwata kéng, kem dwata là deng kul hnikót tngón du. Dalang se yó kem fù le ne yó kem tau hol geta mogot yóm benwu Juda, là deng kul hnikót tngón du yó kem dwata kéng ni. Bè nim benwu ni gónó le mamà litô yó kem ngà le, kem ngà laen dù salà le.