Dwata 32:16 - Udél Dwata: Gna Kesfasad ne Lomi Kesfasad

¹⁶ Yóm ktaba le bè yó kem tólóng dwata gónón sidek kélés nawa Dwata. Lemwót bè yóm ksidek nmò le, yó gónón alì lembut kul.

Dwata 32:16 Referans Kwoze

Kem Lingón 78:58

Deng hefebut le Dwata mlan bè yóm kehdà le yó kem gónó demsù ebè yó kem dwata kéng. Tey khélés le nawahen bè yóm ktaba le ebè yó kem dwata lennged nmò le.

1 Kurin 10:22

Ke yó se tô nmò tekuy, deng hélés tekuy ne nawa yóm gónó tekuy mogot. Ofo tekuy mon du kô ke là gbeken tmafak tekuy?

2 Bok Kem Tau Hol Geta 23:13

Bud gholu Jusaya snéen yóm gónó le gel tmaba ebè dwata kéng fi dmata kdaw Jirusalim ne fi leged yóm bulul boluyen Bulul Hono Sidek. Bè yóm bulul yó, gónó Selumun bè Israél tehe hemdà yóm gónô tmaba ebè yó kem dwata kéng alì kenbê, duhen Astarti yóm dwata libun yó kem tau Sidon ne Kimus yóm dwata kem tau Muab ne Molék yóm dwata yó kem tau Amunayt, hono dwata kéng alì kenbê.

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Dwata 5:9

Bê ye abay mtud bukol bè yóm dwata lenbù duhen ke tmaba ebéléen abay se ou yóm sana kuy Dwata hol gónó mogot. Tey sidek kélés nawahu du ke wen dumu dwata gónó ye e tmaba. Tnafaku yó kem tau kembê dou, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau hegfanu bélê le yóm kbong nawahu kul efet kól bè hilu libu bud lugod le.

Dwata 32:21

Deng hélés le nawahu bè yó kem dwata kéng gel tnaba le. Hebut le ou bè yó kem dwata lennged laen mu. Bè nim nmò le ni, gónóhu hélés nawa le mlan bè któbóngu yó kem tólóng but tau. Hebutu lu bè któbóngu yó kem tau là hulung le hedem.

Kem Lingón 106:29

Tey hebut le Dwata bè ni kem nmò le ni, yó gónón wen des mit hatay sut lem blóng le.

Isaya 43:12

Deng eles tulónu gna yóm angat sut bélê ye. Bè yóm ksuten bélê ye, bud ou snéen tmóbóng kuy. Laen dù dumu dwata gembek mò du yóm ni. Yu se gemtanud du yóm deng nmou ni.

Jirimaya 2:25

Ó kem tau Israél, bê ye là ngang kemtes yó kem dumu dwata efet gotu bolok snilas ye ne efet mékéng lem lihol ye. Okóm deng mom yó udél ye, ‘Là, là kô gbek me du ke là ktes me kul. Deng bong nawa me kul yó kem tólóng dwata ne ni ktes me lu.’ ”

Jirimaya 7:18

Lemwót yó kem ngà le, fen le ma koyu ne fen le hembong ofi yó kem mà le ne fen le mò mambang yó kem yê le mò blay le ebè yóm sotu dwata bnoluy le Libun Boi bè Longit. Bud wen se dumu ninum blay le ebè yó kem dumu dwata mò gónó le hebut do.

1 Bok Kem Tau Hol Geta 14:9

Okóm kóm deng tey gedlug yó kem sidek deng gel nmoem senta yó kem dumu tau gna mowil béléem. Deng tey dê dwata kéng nmoem, ne deng hefebutem o mlan bè yóm ketwélem yó kem ngà safì tudu nmoem bè tahu blówón.

2 Bok Kem Tau Hol Geta 17:11

Ne bè yó gónó le mtem insinsu ebélê le, lómón yóm kul gel nmò yó kem tau deng tehe hdó Dwata ta yóm tonok tehe blayen yó kem tau Israél. Tey alì kmò le sidek yó kem tau Israél, yó gónó Dwata alì lembut kul.

2 Bok Kem Tau Hol Geta 17:17

Deng mom dsù le ta ofi yó kem ngà udì le logi duhen libun, ne mógów le ebè yó kem tau hemgawang ne ebè yó kem tau demwata, deng tódô bayà le knô le mò du yóm sidek, yóm gónón alì lembut kul Dwata.

Jirimaya 2:11

Deng wen bélê le kô temles du yó kem kul dwata balù yóm là ktahu le? Okóm yó kem dou tau deng mom tenles le ou, yóm kul Dwata hol gónón lemwót yóm kadat le kul yó kem dumu tau. Tles le dou yó kem dwata lennged laen dù muhen.

Jirimaya 8:19

Hol hnungolem dé yóm kik yó kem tauhu, botong gefet bè klamang yóm benwu me. Yó mon le, “Deng tahu tebel Dwata kô Jirusalim? Là buden nô bè yó ne kô, igoen du yóm hol geta bélê le?” Yó balà Dwata kul, monen, “Moen de ke alì hebut le ou yó kem tauhu bè yóm gel ktaba le ebè yó kem dwata kéng, dwata laen dù muhen?”