Dwata 32:14 - Udél Dwata: Gna Kesfasad ne Lomi Kesfasad

¹⁴ Yó kem safì le ne yó kem kambing le, tey wen gatas nwa le bélê le. Hono hyu yó kem ubiha le ne kem kambing le ne kem safì le. Alì hyu yóm halay le ne tey mgélék yóm tifas grép gel ninum le.

Dwata 32:14 Referans Kwoze

Tekang Kbuten 49:11

Lemwót bè yóm alì kwen yó kem grép hulu Juda, anien he ke féten lemen yóm ngà kudà asnuhen bè yóm alì gónón mabù grépen, là kem hendemen du ke wen gamà du. Lemwót bè yóm alì keél yóm tifas grépen, anien he ke nfuken lemen nesen, là kem hendemen du ke wen gamà du.

Kem Lingón 147:14

Deng heneken klamang benwu ye, ne deng hegsengelen nawa ye bè yóm kehyu yóm tbas ye.

Kem Lingón 81:16

Okóm kuy, hkenu kuy yóm ken ali hyu. Hebsowu yu bè yóm tneb lemwót lem sol botu.”

Amus 4:1

Ni mò hnungol ye, yu kem libun bè Samarya, kem libun alì mabù lómón tô safì alì metlomò bè benwu Basan. Yu se yó kem libun alì hemsidek yó kem tau wen gónó le élél ne hemgnok yó kem tau laen dù gónó le ma. Són yó nmò ye gel dók ye tuha logi ye, gel mon ye, “Budi mit ebélê me yóm mò ninum me.”

Isaya 7:22

angat tey wen gatas nwahen bélê le, botong glukas béléen. Tahu se, yóm dù tau mowil bè benwu ye, són gatas ne tneb mò lowil le.

Isaya 7:15

Bè yóm deng khulungen hedem yóm ngà yó, són yó lowil yó kem tau són gatas ne tneb.Okóm gu laanen là deng sut yóm kdaw yó, deng sana genlà yó kem dumu tau ne yóm kul benwu yóm lewu kem tau hol geta alì knikoem yó.

Kem Lingón 22:12

Deng snibut le ou yó kem hmohon dou, hol lómón ke safì le tudu. Gotu snibut le ou, hol lómón ke safì le tudu alì lóbô lemwót bè benwu Basan.

2 Samwél 17:29

Wen tneben, ne tóbô, ne ubiha, ne tsis. Gotu blay le ke Dabid ne bè yó kem tauhen mò ken le. Yó mon le, “Mò ken ye yóm kdê ye, yakà tey ye miteg lel ye bitil ne meeng bè yóm tey kógów ye lem yóm benwu laen hol wen tauhen.”

Kmukum 5:25

Mni béléen él Sisira okóm gatas blayen du lem yóm tukung knóón bè yóm tau hol geta.

Tekang Kbuten 18:8

Tikóng deng gotu tógó yóm kdéen, omin Abraham mkay du ebélê le, wen gatas mung du ne wen tsisen, ne mdà klohok le bè yóm igò le mken bè yó laan yóm koyu gónó le nô.

Deng Hegfan 14:20

Ne tahu se. Bè lewà yóm syudad gónóhen kemmes kul. Ne tódô gotu mlel yóm tey litô, mukas tlu latu kilumitruhen gónón e molo. Ne yó kngelem yóm litô molo yó, botong sotu mitru bud sóól.

Dwata 28:47

Yóm Dwata, tey tendo kuyagen kuy bè kdê yó kem gel nmò ye. Okóm kuy, là kóen lemwót bè nawa ye yóm klolò ye du.

Nihimaya 9:25

Deng gwa yó kem tauhem yó kem syudad alì mbegel ne yó kem tonok alì tembas. Gwa le snéen yó kem gónô deng tódô ket du nô lemen ne eles mdengen se kokol le. Tódô glo le bè yó se yó kem tey genged bungu koyu, kem bungu grép ne yó kem bungu koyu ulib ne yó kem dumu koyu mungu. Laen dù gónó le élél bè ken, yó gónó le gotu baling mabù. Tey gsengel nawa le du yóm kdéen hyu deng blayem kul.

Nihimaya 9:26

Okóm yó kem tauhem, Dwata, là kô dog nimón le kóm, deng mom kenbê le uu. Knogol le yóm hlauhem kul. Tódô hnatay le yó kem tugodem gel tô mit kul semfulék ebéléem. Ne deng mom nmò le yó kem alì kenbéem.

Husiya 11:4

Nalaku Israél lanen mayuk nawahu du ne mung du yóm tey kbong nawahu du. Kóhu béléen yóm kegheseken ne lekohonge etahen yóm igou hemken du.