Dwata 32:13 - Udél Dwata: Gna Kesfasad ne Lomi Kesfasad

¹³ Hogoten yó kem tauhen yó kem benwu gu lem bulul ne yó lowil le yó kem hulu nmò le bè yó kem tniba le. Wen tneb hkenen kul nwa le lem blóng yó kem botu lembang. Ne yó kem koyu ulib le tódô le tmowok bè yó kem lusok botu.

Dwata 32:13 Referans Kwoze

Isaya 58:14

Ke yó se nmò ye, angat ton ye yóm kligal lemwót bè yóm kimón ye dou. Lemwót béléu angat gónó le madat kuy yó kem tau bè klamangen benwu ne angat tey kehyu nawa ye du yóm tonok tehe blayu yóm fù ye Jakub. Ou se yóm Dwata hol gónó mogot mudél du nim ni.”

Kem Lingón 81:16

Okóm kuy, hkenu kuy yóm ken ali hyu. Hebsowu yu bè yóm tneb lemwót lem sol botu.”

Isikél 36:2

Ni se udél yóm sana Dwata hol dandónen geta, monen, Yó udél le heklabak yó kem hohon ye, mon le, ‘Wóyón dé, deng tekuy funen ne yó kem bulul legen bè Israél.’

Dwata 33:29

Ó kem tau Israél, tey kligal ye kuy. Laen dù semnged kuy yu kem tau deng lenwà yóm sana kuy Dwata hol gónó mogot. Dwata se yóm kuy klung ne kuy sudeng mò mofin kuy ne hegmò kuy bè yó kem hohon ye. Yó kem hohon ye, angat le msut na le e hkodu bélê ye, okóm angat gotu genlà ye lu.”

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Dwata 8:8

Tonok angat hmalay ne wen kem bungu grépen ne figen ne wen pumigriniten. Ne wen koyu uliben ne wen nuhag temneb bè yó snéen.

Dwata 8:15

Bê ye abay klifót yóm tehe kalaken kuy lem yóm tey benwu alì knikò là hyu menwu du, benwu gónón nô yó kem ulal alì malas ne kem syufón. Bè yóm tonok mékéng laen dù élen yó, tódô wen él hesuten bélê ye bè yó gu lem yóm tey botu.

2 Samwél 22:34

Tey kehekgisem yó kem tihu, lómón kgis ti uhu, ne yó gónóhu gembek mlan gu ta yó kem tfusù bulul.

Kem Lingón 18:33

Tey kehekgisen yó kem tihu lómón kgis ti uhu, ne yó gónóhu gembek mlan ta yó kem tfusù bulul.

Husiya 13:6

Okóm timbow ye deng gusek bè yóm tey tonok hyu ne deng wen ken ye ne deng ye bsow, deng ye mom baling hegmón, deng mom klifót ye o.

Dwata 28:47

Yóm Dwata, tey tendo kuyagen kuy bè kdê yó kem gel nmò ye. Okóm kuy, là kóen lemwót bè nawa ye yóm klolò ye du.