Dwata 32:12 - Udél Dwata: Gna Kesfasad ne Lomi Kesfasad

¹² Tek són Dwata se tehe gel malak kul, laen kô dù dumu dwata fen tmóbóng kul.

Dwata 32:12 Referans Kwoze

Isaya 46:4

Ou se yóm kuy Dwata ne angat tendo bud gel sen-gyoku yu efet kól bè ktuha ye ne deng kubón ye. Ou se tehe mò kuy ne tendo gel sen-gyoku yu. Tendo gel tnóbóngu yu ne angat lenwau yu.”

Kem Lingón 136:16

Hol dóyón tekuy Dwata, yóm malak yó kem tauhen lem yóm benwu laen hol wen tauhen. Laen kô dù tul sónen yóm kbong nawahen tekuy là monolen.

Kem Lingón 78:14

Ke kemdaw, nalaken lu mlan bè lobun, ne ke kifu, nalaken lu mlan bè yóm nóng ofi tukô gna kul.

Kem Lingón 27:11

Ó Dwata, hol tolokem dou yóm nóyô hmoem dou. Hol sen-galakem ou bè lanu anì là gesyate, yakà teyen wen yó kem hohonu.

Nihimaya 9:12

Yó kem tauhem yó, wen lobun htukóem gna kul ke kemdaw mò gónó le galak ne ke kifu wen ofi mò hlayag lan le.

Dwata 32:39

Tek són ou Dwata, tek sotuhu. Laen kô dù dumu dwata, són ou. Gbeku hmatay tau ne gbeku se hlowil tau. Gbeku hmalì tau ne bud gbeku se hkó des tau. Ne laen dù gembek lemwà du yóm deng nô lem hólólu.

Kem Lingón 80:1

Ó Dwata, hol hnungolem nim taba me ebéléem, yakà uu du yóm gel semgyok yó kem tau Israél. Hol hnungolem mi, yakà uu du yóm gel tukô gna kum. Dengi myón bè yóm gónóm myón kmamal geta senta yóm gónó le gel nô yó kem gel hógówem.

Dwata 4:35

Yó gónó Dwata hegfan du bélê ye yó kem yó mò gónó ye hol temngón du laen kô dù dumu Dwata, tek sónen du.

Dwata 4:39

Yó gónóm mon, hol hendem ye ni kemdaw ni ne hol bê ye abay klifót. Yóm Dwata, du se yóm sana Dwata hol gónó mogot ditu bè longit ne dini talak tonok. Laen dù dumu dwata, tek sónen du.

Kem Lingón 81:9

Hol béen abay wen dwata lennged tnaba ye. Hol bê ye abay mtud bukol bè yó kem dwata kéng.

Isaya 63:14

Yó kmò kwit Dwata yó kem tauhen ebè yóm benwu gónó le henek nô, hol lómón kwit le safì yó kem tau ebè yóm gónón mabù bnes mò gónó le mótób. Tódô Dwata se malak yó kem tauhen, yó gónó le alì madat du yóm kun boluy.

Juswa 24:17

Yóm sana kut Dwata hol gónó mogot, du se deng mit kul hewà yó kem tehe fù tekuy bè yóm gónó le ghesek bè Idyip. Ne deng ton tekuy se yó kem hentaw ton deng nmò Dwata lem blóng tekuy. Efet nim kógów tekuy edini tey kofinen kut Dwata bè yóm klan tekuy gu lem blóng yó kem hohon tekuy.

Husiya 11:4

Nalaku Israél lanen mayuk nawahu du ne mung du yóm tey kbong nawahu du. Kóhu béléen yóm kegheseken ne lekohonge etahen yóm igou hemken du.