Dwata 32:11 - Udél Dwata: Gna Kesfasad ne Lomi Kesfasad

¹¹ Toloken lu, lómón yóm banug gel toloken móyóng kem ngaen. Hdalang hóyóngen lu, ominen mból hafaken mò slegefen kul. Lómón yó se deng nmò Dwata, là kô bayaen kul btang yó kem tau Israél.

Dwata 32:11 Referans Kwoze

Kehewà 19:4

Yó udél Dwata, monen, “Deng ton ye yóm deng nmou bè yó kem tau Idyip ne yóm kmò kwitu kuy gu bè Idyip. Yóm kwitu kuy hol lómón yóm kwit banug ngaen, sal gel suen ta hafaken. Lómón yó se kmò kwitu kuy edini béléu.

Isaya 46:4

Ou se yóm kuy Dwata ne angat tendo bud gel sen-gyoku yu efet kól bè ktuha ye ne deng kubón ye. Ou se tehe mò kuy ne tendo gel sen-gyoku yu. Tendo gel tnóbóngu yu ne angat lenwau yu.”

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Isaya 40:31

Okóm yó kem tau són ken-gel nawa le yóm któbóng Dwata kul, tódô senflós Dwata tendo hulék kgis le. Hol lómó angat kmò le lómón yóm klinggel kóyóng yó kem banug. Ke mlóy le, là kô le mahil mubas. Ke tmonok le, là kô le mahil miteg.

Deng Hegfan 12:4

Bè yóm kwelen tukô ikongen, botong gbut bè yó kem blotik bè longit gbek nkélen etlaan talak tonok. Ne yó nmoen, tódô lemfen bè solu yóm libun, nangaten ksut yóm ngaen anì tô hlohen.

Hibru 11:3

Lemwót bè kehtahu tekuy gónó tekuy temngón du yóm deng kedlimun Dwata du yóm kentihen mlan bè udélen. Yó gónóm mon, kdê yó kem ton mata talak tonok, hono lemwót bè yóm là ton mata tau du.

Isaya 31:5

Lómón yóm onuk koyu tendo móyóng ta yóm salahen nofinen yó kem ngaen hol lómón se yóm nmou bè Jirusalim. Ou se yóm hol kemlung du ne hol mofin du. Ou se yóm Dwata laen dù là gbeken du.”

Deng Hegfan 12:14

Okóm wen hafak blay Dwata du yóm libun yó, lómón hafak yóm banug bong anì tódô móyóng etu bè yóm benwu laen dù tau menwu du, ne bè yó gónón wen tendo semgyok du efet tlu halay sóól. Laen kô dù bud gmoen béléen bè yó yóm swaga.

Tekang Kbuten 1:2

Yóm tonok, là kóen mtukul kmoen ne laen se dù bang tonem tahen lemwót bè yóm tey él nelem lemimun du, lel yóm tey kifu mget bè klamangen. Lemwót yóm Tulus Dwata tendo heklowong gu tahen.

Dwata 33:12

Yó udél Musis gbak ebè yó kem sfu Bindyamin, monen, “Yó kem sfu Bindyamin, lu se yó kem tau kenbong nawa Dwata, kem tau tendo kenlungen. Tendo bnenteyen lu ket kdaw ne tendo hlós nô lem blóng le.”

Kem Lingón 18:10

Wen sotu hógówen alì kemgis snakayen boluyen sirubim. Móyóng, ne tey kehlóngen mung bè balu lenos.

Husiya 11:3

Igoen ou tehe tmolok ke Israél mógów, tendo nogotu bè sigelen. Okóm balù udì ke hendemen ke ou yóm tehe semgyok du.