Dwata 32:10 - Udél Dwata: Gna Kesfasad ne Lomi Kesfasad

¹⁰ Tehe tonen lu bè yóm benwu laen hol wen tauhen, yóm benwu balù udì ke wen mowil du. Són luk lenos gungolem bè yó. Bede yó nmò Dwata, kenlungen yó kem kun tau ne sen-gyoken lu. Lómó kesgifaen kul lómón ke kimu alì mebtes béléen.

Dwata 32:10 Referans Kwoze

Husiya 13:5

Tehe tey kesgifau kuy lem yóm benwu là hyu menwu du, benwu alì mékéng.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Kem Lingón 17:8

Hol kenlungem ou lómón keklungem yóm kóm mata. Bnosem ou bè olung yó kem hafakem.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Kem Udél Hlalak Tehe Selumun 7:2

Hol nimónem yóm dou hlolò anì tahà ktauhem. Hol hentilobem mimón du abay se alì bong muhen yó kem toloku kóm.

Sulat Pol Ebè Yó Kem Tau Hemtahu Bè Rom 2:18

Tahu se deng hónô tngón ye yóm kun kóyô Dwata bè tau. Deng dilô ye se yóm hyu ne yóm sidek lemwót bè yóm dnalang ye bè kun hlau.

Dwata 4:36

Hfungolen kuy yóm udélen gu bè longit mò gónón semtódô kuy. Ne dini talak tonok tehe hegfanen bélê ye yóm tey ofi lemwót gu bè yóm gónón mudél.

Sulat Pol Ebè Yó Kem Tau Hemtahu Bè Rom 3:2

Igoen tey bong muhen yóm ktau tekuy Ju. Yó hol tanayen, tekuy se fen gónó Dwata hogot du yóm kun sulat.

Kem Lingón 107:40

Yó nmò Dwata, bud tles nmoen bè yó kem hmohon kul yóm tehe nmò le bè yó kem kun tau. Gotu htabagen lu bè yó kem benwu là hyu menwu du, bè yó kem benwu laen dù lan gu lemen.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Jirimaya 2:17

Ó kem tau Israél, yóm glumfak ye ni lemwót bè yóm ktagak ye dou yóm sana kuy Dwata hol gónó mogot, igou malak kuy bè yóm lan hyu.

Husiya 11:3

Igoen ou tehe tmolok ke Israél mógów, tendo nogotu bè sigelen. Okóm balù udì ke hendemen ke ou yóm tehe semgyok du.

Istér 6:13

Gotu tulónen ke yehenen ne yó kem ween yóm deng glumfaken yó. Ne yó mon yehenen mò du dalang se yó kem ween gel hmau du, “Ni se hanà buten yóm keglaanem bè Murdikay. Lemwót bè yóm ke Juhen laen kô dù bud gmoem béléen ne.”

Sikaraya 2:12

Deng hetfing Dwata mò kun yóm benwu Juda glem bè kun tonok. Ne bud néléken Jirusalim mò hol kun syudad nfun.