Dwata 31:2 - Udél Dwata: Gna Kesfasad ne Lomi Kesfasad

² ne yó bud monen mò kul, “Ni deng lematu bud lewu folò ne halayu, là bud gbeku du ne malak kuy. Lel Dwata deng mon du mò dou là kô gifalu du yóm Él Jurdan.

Dwata 31:2 Referans Kwoze

Dwata 34:7

Bè yóm katay Musis, deng lematu lewu folò ne halayen, bede sana tolo kekgisen ne sana tolo kehyu ketngelen.

Lista 27:17

yóm tau gbeken malak kul ebè gida anì là mkél le bè yó kem ógóf laen dù malak kul.”

1 Bok Kem Tau Hol Geta 3:7

Ó Dwata, yóm sana do Dwata hol gónó mogot, deng tlesem ou ke mà mò tau hol geta, okóm lómón ke hanae tolo ngà he, là denge hulung mogot benwu.

Lista 20:12

Okóm nudél Dwata Musis lewu le Aron, monen, “Lemwót bè yóm là hol ksalig ye do ne yóm là kehdilô ye du lem blóng yó kem tau Israél yóm klaen dù belenu, là kô galak ye kul ni kem tau ni etu bè yóm benwu fasadu kul.”

Kehewà 7:7

Bè yóm kdaw kestulón le bè Faro, deng wolu folò ne halay Musis ne fen wolu folò tlu kun halay Aron.

Kul Nmò 20:25

Deng gotu tulónu lem blóng ye yóm kogot Dwata tau. Ne ni,” monen, “tódô tngónu, sónen ni ne yóm kton ye lem uyóhu.

Kul Nmò 7:23

Timbow deng fat folò ne halay Musis,” mon Stéfén, “yó nmoen, nauyen yó kem dumuhen tau Israél bè yóm benwu yó anì tngónen kmò klowil le.

Kem Lingón 90:10

Yóm klowil me, olon gefet bè hitu folò halay. Ke wen kgis me, gefet me bè wolu folò halay. Okóm yóm klawi me mowil yó, tey dê gónó me glayam, ne tey dê lenóngón nawa me. Là kóen té yóm klowil me, sana me mfu.

Dwata 31:1

Tódô henlel Musis mudél ebè yó kem tau Israél