Dwata 30:9 - Udél Dwata: Gna Kesfasad ne Lomi Kesfasad

⁹ Ke yó nmò ye, bè ket nmò ye sal hyu uléken ne angat tey kból ye, dalang se yó kem ógóf ye ne yó kem tonok ye, angat tey wen tebasen. Tey kehligal Dwata du bè yóm bud khuléken du ebélê ye yóm tehe kehyu klowil ye, lómón yóm tehe kligalen bè yóm kehyu klowil yó kem tehe fù ye ekni.

Dwata 30:9 Referans Kwoze

Jirimaya 32:41

Angat tey kligalu mò du bélê le yóm hyu ne hol lemwót lem but blututu yóm bud khuluhu kul ta nim tonok ni.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Dwata 28:4

Angat nuyag Dwata yu anì hol wen ngà ye ne anì hol wen tebas ye. Balù yó kem safì ye ne yó kem ubiha ye tey wen ngà le se kul.

Kun Snulat Jan 15:11

Yó gónóhu eles tmulón du kuy nim ni,” mon Jisas, “anì gnóm ye yóm dou kligal, ne anì hol gsengel nawa ye du yóm kligal ye yó.

Kun Snulat Luk 15:32

Bê tekuy tô là hligal, abay se yóm twolihem, lómón ke deng matay, okóm deng bud mowil. Deng tehe hlana, okóm deng bud hton.’ ”

Jirimaya 31:28

Bè yóm gnan kdaw, lómón ke kendutu lu ne lómón ke hebtangu yóm benwu le. Ne gotu genlau lu ne wen tey heglumfaku kul. Okóm bè hulin kdaw, bud huluhu lu ne bud hdau yóm kul benwu,” mon Dwata.

Isaya 65:19

Angat tey kligalu se dou lemwót bè Jirusalim ne yó kem tauhen. Laen dù bud nkik ye bè yó ne laen se dù bud gónó ye gel htóbóng bè kem dumu ye.

Dwata 28:63

Bè nim kmoen ni, tey kehyu nawa Dwata bè yóm bud kehguléken klowil ye ne bè yóm tey kehbólen kuy. Okóm lemwót bè yóm là kimón ye elem hulin kdaw, bud hyu se nawahen bè yóm angat ktafaken kuy ne bè yóm angat keglaen kuy. Angat gotu hlanahen yu ta yóm tonok móyón nfun ye ni.

Sifanaya 3:17

Yakà dengen nô bélê ye yóm sana kuy Dwata hol gónó mogot. Tey wen kfasangen lemwà kuy bè yó kem hohon ye. Tey angat kehligalen bélê ye. Lemwót bè kbong nawahen kuy, gotu kóhen bélê ye yóm dê knikò ye. Lemwót bè yóm tey kligalen bélê ye gónón tódô hewót semngal.

Dwata 30:8

Okóm kuy, bud nimón ye Dwata ne bud lolò ye yóm kdê hlauhen deng tulónu kuy kemdaw ni.

Jirimaya 31:27

Yó bud udél Dwata, monen, “Angat kól yóm kdawen bè ni bè Israél ne bè Juda bud hbólu yó kem dou tau dalang se yó kem ógóf le.

Dwata 7:14

Laen dù tau bè klamangen benwu ke tnóbóng Dwata mkél bè yóm któbóngen kuy. Laen dù bélê ye logi duhen ke libun ke là mngaen, dalang se yó kem ógóf ye laen dù bélê le ke là mngaen.