Dwata 30:7 - Udél Dwata: Gna Kesfasad ne Lomi Kesfasad

⁷ Lemwót yó kem tafak tehe gnóm ye, tódô gotu bud huléken eta yó kem hohon ye alì kmutó nawa kuy ne hemgnok kuy.

Dwata 30:7 Referans Kwoze

Dwata 7:15

Angat hlayuk Dwata bélê ye yó kem des. Là kô hwiten du ebélê ye yóm des alì knikò deng glan ye bè Idyip, okóm mom hwiten ebè yó kem hohon ye.

Isaya 10:12

Okóm yó udél Dwata, monen, “Sok deng yóm nmou bè yó kem dou tau bè bulul Sayun ne bè Jirusalim, angat tnafaku yóm tau hol geta bè Asirya bè yóm alì keheklabaken ne kehegetahen.”

Lista 24:14

Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.”

Sikaraya 12:3

Bè yóm kdaw yó, bud nmou Jirusalim lómón ke botu alì blat. Nô kihu benwu tô mkay du angat wen tey gfaen. Ne yóm kdéen benwu talak tonok angat le gotu stifun na le e nundug Jirusalim.

Ubadaya 1:10

“Yó gónó le mò du bélê ye yóm yó, lemwót bè yóm alì kehsidek ye yó kem dumu ye setwoli sfu Jakub. Yó mò kuy angat tey sidek kyak ye, tódô ye sulék meglà ne laen kô dù tul sónen.

Amus 1:13

Yó bud udél yóm sana Dwata hol gónó mogot, monen, “Deng tendo sensulit le mò sidek yó kem tau bè Amun, là gbeku du ke là tnafaku kul. Bè yóm kundug le ebè benwu Gilyad anì hlamang le yóm són tonok le, mom gotu snifal tnibó le yó kem libun mlutut bè yó.

Amus 1:11

Yó bud udél Dwata, monen, “Deng tendo sensulit le mò sidek yó kem tau bè Idom, là gbeku du ke là tnafaku kul. Deng mom ktes tnibó le yó kem kul dumu Israél, balù udì ke wen kodu le kul. Là kô olò nonol le du yóm kebut le kul, tódô henlós le efet laen dù sónen.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

Amus 1:6

Yó bud udél Dwata, monen, “Deng tendo sensulit le mò sidek yó kem tau bè syudad Gasa, là gbeku du ke là tnafaku kul. Deng mom sulék hegef le lu mayuk yó kem dou tau tódô henek nô bè yó kem kul benwu lemnek, hbalù le lu mò hesek ebè yó kem tau Idom.

Amus 1:3

Ni se udél Dwata, monen, “Deng tendo sensulit le mò sidek yó kem tau bè Damaskus, là gbeku du ke là tnafaku kul. Tey alì kehsidek le yó kem dou tau bè Gilyad, lómó kmò le kul lómón yóm halay knusu bala tók.

Kehewà 23:22

Okóm ke hol hnungol ye yóm gel monen ne ke hol nmò ye yóm hmou kuy, ou he fen hmohon yó kem hohon ye ne senfatayu yó kem gel semfatay kuy.

Dwata 30:8

Okóm kuy, bud nimón ye Dwata ne bud lolò ye yóm kdê hlauhen deng tulónu kuy kemdaw ni.

Lista 24:9

Yó kem tau Israél, hol lómón ke yóm liyun alì lóbô. Ke tolo tungô laen dù mlos bemtik du. Yó se tau muyag yó kem tau Israél angat bud nuyag Dwata se kun. Ne yó se tau hemmulà kul angat bud henmulà Dwata se kun.”

Jirimaya 30:16

Okóm bè yóm kdaw kwitu kuy semfulék yó, kdê yó kem tau gemlà kuy bud wen gemlà kul se kul. Kdê yó kem hohon ye bud wen se megef kul. Kdê yó kem tau muku kimu ye, bud wen se muku kimu bélê le. Kdê yó kem tau mundug kuy, bud wen se mundug kul.