Dwata 30:3 - Udél Dwata: Gna Kesfasad ne Lomi Kesfasad

³ ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Dwata 30:3 Referans Kwoze

Jirimaya 29:14

Tahu se, angat ton ye o,” mon Dwata. “Angat bud nwitu yu semfulék ebè yóm hol kuy benwu. Angat gotu sentifunu yu gu bè yó kem benwu deng gónów e semkla kuy, nwitu yu semfulék ebè yóm hol kuy benwu.”

Isikél 36:24

Ni se angat nmou, gotu bud sentifunu yu gu bè yó kem benwu deng gónóhu e semkla kuy ne nwitu yu semfulék ebè yóm hol kuy benwu.

Kem Lingón 147:2

Bud hefdà Dwata Jirusalim, ne bud niten lu semfulék ebè benwu Israél yó kem tau deng tehe negef.

Sulat Pol Ebè Yó Kem Tau Hemtahu Bè Rom 11:31

Senged se yó kem Ju nim kmoen ni, là nimón le ke Dwata. Okóm angat wen lan Dwata kmodu kul se kul lómón yóm deng kkoduhen kuy.

Lanu Jirimaya 3:22

duhen yóm kbong nawa Dwata tekuy laen kô dù nan e són. Lemwót bè kkoduhen tau là sulék le matay bè yóm tey kwen glumfak le.

Sulat Pol Ebè Yó Kem Tau Hemtahu Bè Rom 11:23

Ke là henlós kem Ju du yóm kkogol le ke Dwata, botong gbek Dwata bud hlowil kul bè yóm tehe sana lówó le.

Jirimaya 31:10

Ó kem kdéen tau bè klamangen benwu, hol hnungol ye yóm udél yóm sana Dwata hol gónó mogot. Hol heglalag ye etu bè kem benwu mayuk kilil mohin. Yó udél Dwata, monen, Deng tehe senklahu lu yó kem tauhu, okóm angat bud sentifunu lu, sen-gyoku lu lómón yóm tau gel sen-gyok yó kem ubihahen.

Sulat Pol Ebè Yó Kem Tau Hemtahu Bè Rom 11:26

Ne gotu le angat gewà gu lem hatay. Lómón yóm mon Dwata bè sulaten, monen, “Lemwót gu bè syudad Sayun yóm tau fen lemwà yó kem kun ból Jakub. Angat gotu kóhen bélê le yóm sidek gel nmò le.

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Nihimaya 1:9

Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’

Job 42:10

Timbow deng kogol yóm kni Job bè yóm tlu kem ween, ya tey bud kehdengen Dwata du. Botong lewu duléken bud hulék du ebè Job yó kem deng lana béléen.

Kem Lingón 107:3

ne deng niten yu hewà gu bè yó kem tólóng benwu mayuk, bè yó kem benwu fi dmata kdaw ne fi gu desdef, ne fi gu debwak ne fi gu leged.

Jirimaya 12:14

Yó udél Dwata, monen, “Ni se udélu ebè yó kem tólóng tau sidek nmò le deng tô mled yóm tonok tehe blayu bè yó kem dou tau Israél. Angat gotu kendutu lu ta yóm kul tonok lómón yóm angat kekdutu yó kem tau bè Juda ta yóm kul tonok.

1 Tutul Israél 16:35

Yó monem, “Lenwaem mi, Dwata yóm Dwata tehe gel lemwà kum ekni. Deng senkla le mi lem blóng yó kem dumu benwu, hol lenwaem mi lem hólól le ne bud sentifunen mi anì slamat me béléem, ne tey dóyón me yóm kóm boluy alì mólós ne tey me hligal dmóyón kóm.”

Isaya 43:5

Hol bê ye abay hlikò, tendohe nô bélê ye. Angat bud huléku yó kem kuy dumu deng sekla ebè yóm hol kuy benwu. Bè yóm angat kulék le yó, wen se bélê le lemwót bè doli benwu ditu fi dmata kdaw ne doli benwu ditu fi desdef.

Isaya 54:7

“Tek likóten yóm ktebelu kuy. Okóm lemwót bè yóm kbong nawahu kuy, yó gónóhu bud semfulék kuy.

Jirimaya 23:3

Okóm yó angat nmou bè yó kem dou tau, gotu bud sentifunu lu yó kem dù tebel bè yó kem benwu deng tehe gónóhu e semkla kul. Gotu bud nwitu lu semfulék ebè yóm tehe kul benwu ne angat tey bud kból le bè yó.

Mika 7:19

Angat bud knoduhem mi. Tódô gotu lenuna ndaem yó kem salà me ne botem etu etlaan bè sokol mohin.

Sikaraya 10:9

Balù yóm deng gotu keseklahu kul bè yó kem tólóng benwu, okóm bè yó kem benwu mayuk deng gónó le nô yó, sana tolo kehedem le do bè yó. Tolo le mowil, mung kul kem ngà le ne gotu le slomong mulék ebè yóm sana kul benwu bè Israél.