Dwata 30:18 - Udél Dwata: Gna Kesfasad ne Lomi Kesfasad

¹⁸ eles tulónu kuy kemdaw ni, angat ye gotu meglà. Ne là kóen tahà knô ye tahen yóm tonok móyón gfun ye nô sentu Él Jurdan.

Dwata 30:18 Referans Kwoze

Dwata 4:26

Ke là nimón ye du nim monu ni, angat ye tódô kendel lana ta yóm tonok móyón nfun ye. Là kóen legen knô ye tahen yóm tonok móyón nfun ye nô sentu Él Jurdan, tódô ye gotu meglà. Kemdaw ni tnabahu longit ne tnabahu tonok mò temksì du bélê ye nim udélu ni.

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Lista 32:15

Yu kem sfu Rubén ne sfu Gad, ke là móyô ye mimón ke Dwata ni, ngem bud tódô bayà Dwata lu lem yóm benwu laen hol wen tauhen ni kem tey tau Israél ni ne hbóen kuy yóm keglà le.”

Dwata 30:17

Okóm ke là mimón ye ne ke là móyô ye hmungol du ne mom ye tmaba ebè yó kem dumu dwata,

Dwata 4:25

Baluen he ke deng legen knô ye ta yóm tonok blay Dwata kuy ne deng dê kem ngà ye ne kem témê ye, hol bê ye abay gemsalà bè Dwata ke lan ye mò yó kem dwata lennged balù kihu kayen. Ke yó nmò ye, tey salà bong bè Dwata ne tey sidek kebuten kuy.

Dwata 31:17

Bè yóm kmò le du yóm yó angat lenbutu lu. Tódô bayau lu ne tódô le meglà, ne tey dê glumfak sidek sut bélê le. Omin le yó he hetngón, yó gónó le gmumfak du nim ni abay se là bude nô bélê le, yóm sana kul Dwata.

Dwata 31:21

Lemwót bè yóm deng kulé le do, tey dê gfà sidek sut bélê le. Ne nim lingón ni mò angat gónóhu hewót mdà du yóm ktafaku kul. Balù yó kem semfu gu bélê le, là kô klifót le du se kul nim lingón ni. Balù ni, gu laanu là deng mit kul eta yóm tonok fasadu kul, deng sana tngónu yóm nô lem hendem le.”